ଚଣ୍ଡିଖୋଲ ୧୪।୧୧: ଚାରିଆଡେ ଆଲୋକର ପୂର୍ବ ଦୀପାବଳି ଚାଲିଥିବା ବେଳେ ଯାଜପୁର ଜିଲ୍ଲା ଜେନାପୁର ଥାନା ଅନ୍ତର୍ଗତ ପଣସ ପଡିଆରେ ଘଟିଛି ଅଘଟଣ । ଇଟାଭାଟି ଖାଲରେ ପଡି ଯୁବକଙ୍କ ମୃତ୍ୟୁ ହୋଇଛି । ମୃତକ ସୁବାଷ ପରିଡ଼ା ।
ଖବର ଅନୁଯାୟୀ, ଆଜି ସକାଳ ସମୟରେ ସୁବାଷ ପରିଡ଼ା ଇଟାଭାଟି ଖାଲକୁ ଯାଉଥିବା ବେଳେ ଗୋଡ ଖସିଯାଇଥିଲା । ଯାହାଫଳରେ କି ପାଣିରେ ପଡିଯାଇଥିଲା । ଘଟଣାସ୍ଥଳରେ ଉପସ୍ଥିତ ଥିବା ଲୋକେ ତୁରନ୍ତ ୧୦୮ ଆମ୍ବୁଲାନ୍ସକୁ ଫୋନ୍ କରି ଡକାଇଥିଲେ । କିନ୍ତୁ ଡାକ୍ତରଖାନାକୁ ପହଞ୍ଚିବା ପୂର୍ବରୁ ଯୁବକଙ୍କ ମୃତ୍ୟୁ ହୋଇଯାଇଛି । ଜେନାପୁର ଥାନା ଅଧିକାରୀ ଆଶିଷ ସାହୁ ଘଟଣାସ୍ଥଳରେ ପହଞ୍ଚି ଶବକୁ ବ୍ୟବଚ୍ଛେଦ ପାଇଁ ପଠାଇଛନ୍ତି । ତେବେ ମୃତ୍ୟୁର ଖବର ପାଇ ପରିବାର ଓ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
