ନୂଆପଡା ୨୪।୦୩: ଓଡିଶାରେ ଉପରମୁହାଁ କରୋନାଗ୍ରାଫ। କଟକ ଓ ଖୋର୍ଦ୍ଧା ଜିଲ୍ଲା ପରେ ଏବେ ଚିନ୍ତା ବଢାଇଲା ନୂଆପଡା ଜିଲ୍ଲା। ଜିଲ୍ଲାର ସିନାପାଲୀ ବ୍ଲକର ଗୋଟିଏ ଗାଁରୁ ଏକ ସଙ୍ଗେ ୨୯ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଗାଁରୁ ନିଆଯାଇଥିବା ମୋଟ୍ ୫୬ ନମୂନା ମଧ୍ୟରୁ ୨୯ ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ଏ ନେଇ ସିନାପାଲୀ ବିଡିଓ ବୁଧବାର ସୂଚନା ଦେଇଛନ୍ତି।
ଉକ୍ତ ଗାଁଟି ଛତିଶଗଡ ସୀମାକୁ ଲାଗି ଥିବାରୁ ସଂକ୍ରମଣ ବ୍ୟାପିଥିବା ସନ୍ଦେହ କରାଯାଉଛି। ଏହା ପରେ ଗାଁର ସମସ୍ତ ଲୋକଙ୍କ ସାମ୍ପଲ ଟେଷ୍ଟ କରାଯିବ ବୋଲି ବିଡିଓ କହିଛନ୍ତି। ପଦକ୍ଷେପସ୍ଵରୂପ ଗାଁର ପ୍ରବେଶ ପଥରେ ପୋଲିସ ମୁତୟନ କରାଯାଇଛି। ଏପରିକି ଆସନ୍ତାକାଲି ହେବାକୁ ଥିବା ସାପ୍ତାହିକ ହାଟକୁ ସରପଞ୍ଚ ବନ୍ଦ କରିଛନ୍ତି।
