କେନ୍ଦୁଝର ବନଖଣ୍ଡ ତେଲକୋଇ ରେଞ୍ଜ ବିମଳା ଫରେଷ୍ଟ ସେକ୍ସନ ଝାରବେଢା ସଂରକ୍ଷିତ ଜଙ୍ଗଲ କୁଡବିଲ ଗାଁ ନିକଟ ଦୁରନ୍ଧର ହୁଳି ନିକଟରେ ଏକ ୪ ମାସର ମାଇ ହାତୀ ଛୁଆର ମୃତ୍ୟୁ ଘଟିଛି। ଏହି ହାତୀ ପଲରେ ୩୦ରୁ ଉର୍ଦ୍ଧ ହାତୀ ଥିବା ବେଳେ ୯ଟି ଛୁଆ ହାତୀ ଥିବା ଜଣାପଡିଛି।୪ରୁ ୫ ଦିନ ହେବ ହାତୀ ଛୁଆର ମୃତ୍ୟୁ ଘଟିଥିବା ବେଳେ ବନବିଭାଗ ନିକଟରେ ଖବର ନଥିଲା। ଆଜି ଦିନ ୨ଟା ବେଳେ ହାତୀ ଟ୍ରାକିଙ୍ଗି ଦଳ ମୃତ ହାତୀ ଛୁଆକୁ ଠାବ କରି ବନଖଣ୍ଡ ଅଧିକାରୀଙ୍କୁ ଖବର ଦେଇଥିଲେ। ଘଟଣା ସ୍ଥଳରେ ବନଖଣ୍ଡ ଅଧିକାରୀ ପହଞ୍ଚି ଘଟଣାର ଅନୁଧ୍ୟାନ କରିଥିଲେ।ପଶୁ ଚିକିତ୍ସକ ମଧ୍ୟ ପହଞ୍ଚି ହାତୀ ଛୁଆକୁ ପରିକ୍ଷା କରି ରୋଗ ରେ ମୃତ୍ୟୁ ହୋଇଥିବା ଜାଣିବାକୁ ପାଇଥିଲେ। ତେବେ ରାତି ହୋଇଯାଇଥିବା ରୁ ଶବ ବ୍ୟବଚ୍ଛଦ ହୋଇ ପାରିନଥିଲା। ଆସନ୍ତାକାଲି ଶବ ବ୍ୟବଚ୍ଛଦ ପରେ ପ୍ରକୃତ କାରଣ ଜଣାପଡିବ ବୋଲି ବନଖଣ୍ଡ ଅଧିକାରୀ କହିଥିଲେ। କେନ୍ଦୁଝର ଜିଲ୍ଲା ରୁ ଯୁଧିଷ୍ଟିର ପାତ୍ରଙ୍କ ରିପୋର୍ଟ NEWS Laxmi 7
