ରାଜସ୍ଥାନ ୨/୦୬ : କରୋନା ସଙ୍କଟ ମଧ୍ୟରେ, ଯେଉଁଠାରେ ଟିକାକରଣ ଅଭିଯାନକୁ ଜୋରଦାର କରାଯାଉଛି, ସେଠି ଲୋକେ ଅନ୍ଧବିଶ୍ୱାସର ବଶବର୍ତ୍ତୀ ହେଉଛନ୍ତି । ଗ୍ରାମାଞ୍ଚଳରେ ଟିକାକୁ ନେଇ ଲୋକେ ଭୟ, ଅନ୍ଧବିଶ୍ୱାସ ଏବଂ ଗୁଜବକୁ ବିଶ୍ୱାସ କରୁଛନ୍ତି । ଡିସେମ୍ବର ସୁଦ୍ଧା ଭାରତର ସମସ୍ତ ବୟସ୍କ ଲୋକଙ୍କୁ ଟୀକାକରଣ କରିବାକୁ ସରକାର ଲକ୍ଷ୍ୟ ରଖିଛନ୍ତି, କିନ୍ତୁ ଏଠାରେ ପରିସ୍ଥିତି ଅଲଗା । ଗ୍ରାମାଞ୍ଚଳର ଲୋକମାନେ ଏହି ଅଭିଯାନକୁ ବିରୋଧ କରୁଛନ୍ତି ।
ସେମାନଙ୍କର ବିଶ୍ୱାସ ଟିକାକରଣ ଦ୍ୱାରା ପାର୍ଶ୍ୱ ପ୍ରତିକ୍ରିୟା ଅଧିକ ରହୁଛି । ଏପରିକି ଲୋକଙ୍କ ମୃତ୍ୟୁ ହେଉଥିବା ଗୁଜବକୁ ବିଶ୍ୱାସ କରୁଛନ୍ତି । ରାଜସ୍ଥାନ ଶେରଗଡରେ ଲୋକେ ଏପରି ଅନ୍ଧବିଶ୍ୱାସର ଶିକାର ହେଉଛନ୍ତି । ଏଭଳି ପରିସ୍ଥିତିରେ ଜାତୀୟ ଗଣମାଧ୍ୟମ କିଛି ଦୁର୍ଗମ ଅଞ୍ଚଳରେ ପହଞ୍ଚି ଟିକା ବିଷୟରେ ଲୋକଙ୍କର ଭୟ କ’ଣ ଜାଣିବାକୁ ଚେଷ୍ଟା କରିଥିଲେ ।
ରାଜସ୍ଥାନର ଅଶୋକ ଗେହଲଟ୍ ସରକାର ଗ୍ରାମାଞ୍ଚଳରେ କୋଭିଡ୍ ବିସ୍ତାର ଯାଞ୍ଚ ପାଇଁ ଏକ ଉଚ୍ଚାଭିଳାଷୀ ଯୋଜନା ଆରମ୍ଭ କରିଛନ୍ତି । ତଥାପି ଟିକାକରଣକୁ ନେଇ ଗାଁ ଗହଳି ଲୋକଙ୍କ ମନରେ ଭ୍ରାନ୍ତ ଧାରଣା ରହିଛି । ଖୋଦ୍ ମୁଖ୍ୟମନ୍ତ୍ରୀ ଗେହଲଟଙ୍କ ସହର ଯୋଧପୁରରେ ମଧ୍ୟ ସମାନ ଗୁଜବର ସମ୍ମୁଖୀନ ହୋଇଛି । ଏଠାରେ ଶେରଗଡ ଗ୍ରାମରେ ରୋଗ କିମ୍ୱା ଅନ୍ୟ କିଛି ହେଲେ ଲୋକେ ଗୁଣିଆ ପାଖକୁ ଯିବାକୁ ପସନ୍ଦ କରନ୍ତି ।
ହସ୍ପିଟାଲ ନଯାଇ ଗୁଣିଆଠାରୁ ଝଡାଫୁଙ୍କା କରିଥାନ୍ତି । ଏକ ଅଜବ ନୀତି ରହିଛି, ଯେଉଁଠି କୋଭିଡ କାରଣରୁ ପୁରୋହିତଙ୍କ ମୃତ୍ୟୁ ଗ୍ରାମବାସୀଙ୍କୁ ଅଶାନ୍ତ କରିଦେଇଛି । ଗାଁର ମୁଖିଆ କୁହନ୍ତି ସେମାନଙ୍କର ବିଶ୍ୱାସ ଯେ ଟିକା ନେବା ଦ୍ୱାରା ଲୋକଙ୍କ ମୃତ୍ୟୁ ହୋଇଥାଏ । ସେଥାପଇଁ ମୁଖିଆହ୍କ ସହ ପ୍ରାୟ ୩୦ରୁ ୪୦ ପରିବାର ଟିକା ନେଇନାହାଁନ୍ତି । …
