କେନ୍ଦୁଝର, ୦୬/୦୬: କେନ୍ଦୁଝର ସାହାରା ଇଣ୍ଡିଆ ଅଫିସରେ ତାଲା ପକାଇଲେ ଉତ୍ତ୍ୟକ୍ତ ଜମାକାରୀ । ବର୍ଷ ବର୍ଷ ଧରି ଏହି ସଂସ୍ଥାରେ ଜମା ରଖିଥିବା ଟଙ୍କାର ଉଠାଣ ତାରିଖ ହୋଇଥିଲେ ସୁଦ୍ଧା ପଇସା ଫେରାଉ ନାହିଁ ସଂସ୍ଥା । ପଇସା ଫେରି ନପାଇ ବାପା ମଲେ, ଭଉଣୀର ବାହାଘର ପାଇଁ ପଇସା ଦରକାର, ପୁଅର ପାଠ ପଢା ପାଇଁ ପଇସା ଦରକାର । ହେଲେ ସାହାରା ଇଣ୍ଡିଆ ସଂସ୍ଥାର ଅଧିକାରୀମାନେ କିଛି ଶୁଣୁନାହାନ୍ତି କି ପଇସା ମଧ୍ୟ ଦେଉନାହାନ୍ତି । ଏପରି କିଛି ଅଭିଯୋଗରେ ସାହାରା ଅଫିସରେ ତାଲା ପକାଇଛନ୍ତି କିଛି ଗ୍ରାହକ ।
ସାହାରା ଇଣ୍ଡିଆ ସଂସ୍ଥାରେ ପଇସା ଜମା ରଖିଲେ ଆକର୍ଷଣୀୟ ସୁଦ୍ଧ, ଲୋନ ଆଦି ଅନେକ ସୁବିଧା ଓ ଲାଭ ମିଳିବାର ଲୋଭ ଦେଖାଇ ଲୋକମାନଙ୍କଠାରୁ କୋଟି କୋଟି ଟଙ୍କା ଜମା ରଖିଲା ସଂସ୍ଥା । ହେଲେ ଗତ କିଛି ବର୍ଷ ହେବ ଗ୍ରାହକଙ୍କ ଠାରୁ ପଇସା ଆଦାୟ କରୁଛି । ହେଲେ ମ୍ୟାଚୁରିଟି ହେବା ପରେ ମଧ୍ୟ ପଇସା ଫେରାଉ ନଥିବା ଲୋକେ ଅଭିଯୋଗ କରିଛନ୍ତି ।
ଏପରିକି କିଛି ଲୋକଙ୍କର ମ୍ୟାଚୁରିଟି ଟଙ୍କା ପୁରା ନ ଫେରାଇ ଅଧା ପଇସାର ପୁଣି ଡିପୋଜିଟ ରଖୁଛନ୍ତି ଓ ସେହି ଡିପୋଜିଟ ମଧ୍ୟ ଏବେ ବର୍ଷେ ହେବ ମ୍ୟାଚୁରିଟି ହେଲାଣି ତଥାପି ପାଇସା ଫେରାଉ ନଥିବା ଅଭିଯୋଗ ହେଉଛି । ଏପରିକି ପଇସା ରଖିଥିବା ଲୋକେ ପଇସା ନପାଇ ଭଉଣୀ ବାହାଘର କି ପିଲାଙ୍କର ପଠ ପଢ଼ା ଖର୍ଚ୍ଚ ତୁଲାଇବାରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହେଉଛି । ପ୍ରତିଦିନ ଏକାଧିକ ଗ୍ରାହକ ଏହି ସଂସ୍ଥାର ଅଫିସ୍କୁ ଆସି ନିରାଶ ହୋଇ ଫେରୁଛନ୍ତି । ଫଳରେ କିଛି ଲୋକ ଆଜି ସେମାନଙ୍କ ପଇସା ଫେରାଇବା ଦାବିରେ ଅଫିସରେ ତାଲା ପକାଇଛନ୍ତି ।
ସେପଟେ କନ୍ଦୁଝର ସାହାରା ଇଣ୍ଡିଆ ଶାଖାର ସେକ୍ଟର ମ୍ୟାନେଜର ସୁପ୍ରିମ କୋର୍ଟରେ କେଶ ଅଛି । ହେଡ ଅଫିସରୁ ପଇସା ଆସିଲେ ଦେବୁ କିହି ନିଜ ମୁଣ୍ଡରୁ ଦୋଷ ଖସାଇବାକୁ ଚେଷ୍ଟା କରିଛନ୍ତି ।
