ଚଣ୍ଡିଖୋଲ ୨୧।୧୧ : ସଞ୍ଜିତ୍ ମେମୋରିଆଲ୍ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦ୍ଯାପନ । ଏହି କ୍ରିକେଟ୍ ଟୁର୍ଣ୍ଣାମେଣ୍ଟରେ ଭୁବନେଶ୍ୱର ଚମ୍ପିଆନ୍ ହୋଇଛି । ଗୋଲକୁଣ୍ଡକୁ ୭୩ ରନ୍ରେ ପରାସ୍ତ କରିଛି ଭୁବନେଶ୍ୱର ସାଇ ଇଲେଭନ୍ କ୍ରିକେଟ୍ ଟିମ୍ ।
ଖବର ଅନୁଯାୟୀ, ଯାଜପୁର ଜିଲ୍ଲା ବଡ଼ଚଣା ବ୍ଲକ ଦର୍ପଣ ପଞ୍ଚାୟତରେ ସାମଲ କ୍ରିକେଟ୍ କ୍ଲବ ଓ କୋଲସାହି ପାଟଣା ଆନୁକୁଲ୍ୟରେ ଆରମ୍ଭ ହୋଇଥିଲା ସଞ୍ଜିତ୍ ମେମୋରିଆଲ୍ କ୍ରିକେଟ୍ ଟୁର୍ଣ୍ଣାମେଣ୍ଟ । ଶେଷରେ ରବିବାର ଦିନ ଏହି ଟୁର୍ଣ୍ଣାମେଣ୍ଟରେ ଉଦ୍ଯାପନୀ ଉତ୍ସବ ଥିଲା । ଫାଇନାଲ୍ ମୁକାବିଲରେ ଭୁବନେଶ୍ୱର ସାଇ ଇଲେଭେନ୍ କ୍ରିକେଟ୍ ଟିମ୍ ବିଏମ୍ସିସି ଗୋଲକୁଣ୍ଡକୁ ୭୩ ରନ୍ରେ ପରାସ୍ତ କରି ଚମ୍ପିଆନ୍ ହୋଇଛି ।
ତେବେ ପ୍ରଥମ ଟସ୍ ଜିତି ଭୁବନେଶ୍ୱର ନିର୍ଦ୍ଧାରିତ ୨୦ଓଭରରେ ବ୍ୟାଟିଂ କରି ୯ଓ୍ୱିକେଟ୍ ହରାଇ ୨୦୩ ରନ୍ କରିଥିଲା । ଦଳ ପକ୍ଷରୁ ଅରବିନ୍ଦ ସିଂ ୨୬ ବଲ୍ରୁ ୬୬ ରନ୍ ସଂଗ୍ରହ କରିଥିବା ବେଳେ ଗୋଲକୁଣ୍ଡର ଉଦୟ ଶଙ୍କର ଜେନା ୪ଟି ଓ୍ୱିକେଟ୍ ନେଇଥିଲେ । ଜବାବରେ ଗୋଲକୁଣ୍ଡ ନିର୍ଦ୍ଧାରିତ ୨୦ ଓଭରରେ ସମସ୍ତ ଓ୍ୱିକେଟ୍ ହରାଇ ୧୩୦ରନ୍ ସଂଗ୍ରହ କରି ପରାସ୍ତ ହୋଇଥିଲେ । ଦଳ ପକ୍ଷରୁ ଉଦୟ ଶଙ୍କର ଜେନା ୨୫ ବଲ୍ରେ ୩୮ ରନ କରିଥିବା ବେଳେ ଭୁବନେଶ୍ବରର ହିତେଶ କୁମାର ନାୟକ ୨ ଓଭର ବୋଲିଂ କରି ୧୬ ରନ ଦେଇ ୨ ୱେକେଟ୍ ନେଇଥିଲେ ।