ନିଶ୍ଚିନ୍ତକୋଇଲି୨/୧: ଗାଁରେ ବୁଲା ପାଗଳ କୁକୁରଙ୍କ ଆତଙ୍କ। କଟକ ଜିଲ୍ଲା ମାହାଙ୍ଗାରେ ପାଗଳା କୁକୁର ଆତଙ୍କ ସୃଷ୍ଟି କରିଛନ୍ତି। ମାହାଙ୍ଗା ଥାନା ବାସୁଦେବପୁର ଅଞ୍ଚଳରେ ପାଗଳା କୁକୁରଙ୍କ କାମୁଡାରେ ପ୍ରାୟ ୧୦ରୁ ଊର୍ଦ୍ଧ୍ବ ବ୍ୟକ୍ତି ଗୁରୁତର ହୋଇଛନ୍ତି। ସମସ୍ତ ଆହତମାନଙ୍କୁ ପ୍ରଥମେ ମାହାଙ୍ଗା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା।
ପରବର୍ତ୍ତୀ ସମୟରେ ସେମାନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ଦିନକୁ ଦିନ ଏ ସବୁ ଅଞ୍ଚଳରେ ବୁଲା ପାଗଳା କୁକୁରମାନଙ୍କ କାମୁଡ଼ା ଦ୍ଵାରା ଲୋକେ ଆହତ ହେଉଛନ୍ତି। ସ୍ଥାନୀୟ ଲୋକେ ଘରୁ ବାହାରକୁ ବାହାରିବାକୁ ଭୟ କରୁଛନ୍ତି। ତେଣୁ ପ୍ରଶାସନ ପକ୍ଷରୁ ତୁରନ୍ତ ଏହି କୁକୁରମାନଙ୍କୁ ସେଠାରୁ ଧରି ନେବାକୁ ଅଞ୍ଚଳବାସୀ ଦାବି କରିଛନ୍ତି।
