ରାଉରକେଲା: ରାଉରକେଲାରେ ପୂର୍ଣ୍ଣକାଳୀନ ବିମାନ ସେବା ଏବେ ଅସମ୍ଭବ ପାଲଟିଲାଣି। ନିୟମିତ ବ୍ୟବଧାନରେ ବିମାନ ବାତିଲ ହେଉଛି। ଗତ ତିନିଦିନ ହେଲା ଭୁବନେଶ୍ବର-ରାଉରକେଲା ବିମାନ ସେବା ବନ୍ଦ ରହିଛି। ଲଗାତାର ତିନି ଦିନ ହେଲା ବିମାନସେବା ବନ୍ଦ ରହିଥିବାରୁ ସୋମବାର ବିମାନ ଉଡ଼ିବ ନା ନାହିଁ; ତାହା ଏବେବି ସନ୍ଦେହରେ। ଆଜି(ରବିବାର) ମୋଟ୍ ୩୨ ଜଣ ଯାତ୍ରୀ ରାଉରକେଲାରୁ ଭୁବନେଶ୍ବର ଯିବାକୁ ଟିକେଟ୍ କାଟିଥିଲେ। କିନ୍ତୁ ବିମାନ ସେବାକୁ ବାତିଲ କରିଦିଆଯିବାରୁ ଯାତ୍ରୀ ଯାବତୀୟ ସମସ୍ୟାର ସମ୍ମୁଖୀନ ହୋଇଛନ୍ତି।
ପ୍ରକାଶଥାଉକି, ଗତ ୮ ତାରିଖ ଓ ୭ ତାରିଖରେ ବି ବିମାନ ବାତିଲ ହୋଇଥିଲା। ଫଳରେ ଭୁବନେଶ୍ବର ଯିବାକୁ ଥିବା ଯଥାକ୍ରମେ ୨୨ ଓ ୩୦ ଜଣ ଯାତ୍ରୀଙ୍କୁ ନିରାଶ ହେବାକୁ ପଡ଼ିଥିଲା। ନିୟମିତଭାବେ ବିମାନ ସେବା ବାତିଲ ହେଉଥିବାରୁ ଯାତ୍ରୀ ସଂଖ୍ୟାରେ ହ୍ରାସ ପାଇବାରେ ଲାଗିଛି।