ମୁମ୍ବାଇ ୧୬।୦୬: ଦକ୍ଷିଣ ଆଫ୍ରିକାର କେପଟାଉନରେ ଲୋକପ୍ରିୟ ଷ୍ଟଣ୍ଟ ଶୋ ‘ଖତରୋ କେ ଖିଲାଡି’ ସିଜନ୍ -୧୨ ର ସୁଟିଂ ଚାଲିଛି । ପ୍ରତିଯୋଗୀମାନେ ବିପଜ୍ଜନକ ଷ୍ଟଣ୍ଟ ଦେବା ଆରମ୍ଭ କରିଛନ୍ତି । ସେମାନଙ୍କ ଫଟୋ ଏବଂ ଭିଡିଓଗୁଡ଼ିକୁ ସୋସିଆଲ ମିଡିଆରେ ଲଗାତାର ଭାବରେ ଦେଖିବାକୁ ମିଳୁଛି । ନିକଟରେ ଏହି ଶୋ’ରେ ଭାଗ ନେଇଥିବା କନିକା ମାନଙ୍କର ଏକ ଫଟୋ ସାମ୍ନାକୁ ଆସିଛି, ଯେଉଁଥିରେ ସେ ଆହତ ହୋଇଥିବା ଦେଖାଯାଇଛି। ଯାହା ସୋସିଆଲ ମିଡିଆରେ ଖୁବ୍ ଭାଇରାଲ୍ ହୋଇଛି।
କନିକାଙ୍କ ପାଦ ଏବଂ ହାତ ଛିଡି ଯାଇଛି । ଯାହା ସେ କ୍ୟାମେରା ମାଧ୍ୟମରେ ନିଜର ଘା ’ଦେଖାଉଛନ୍ତି । ଏହି ଫଟୋ ଫଟୋ ଦେଖିଲେ ଲାଗୁଛି ଏସବୁ ସତ୍ତ୍ବେ ସେ ସାହସ ହରାଇ ନାହାଁନ୍ତି । ଫଟୋଟିକୁ ସେଲିବ୍ରିଟି ଫଟୋଗ୍ରାଫର ଭାଇରାଲ ଭାୟାନୀ ତାଙ୍କ ଇନଷ୍ଟା ଆକାଉଣ୍ଟରେ ସେୟାର କରିଛନ୍ତି।
ଫଟୋ ସହିତ କ୍ୟାପସନ୍ ଲେଖାଯାଇଛି, ‘କନିକା ମାନଙ୍କର ଚମତ୍କାର ଫଟୋ। ତାଙ୍କୁ ସମ୍ମାନ ଦିଅ କାହିଁକି ନା ସେ ତଥାପି ହସୁଛନ୍ତି। ବିଶେଷକରି ଶୋ’କୁ ଯିବା ପୂର୍ବରୁ ବହୁତ ଅସୁସ୍ଥ ଥିଲେ । ହେଲେ ପ୍ରଶଂସକମାନେ ତାଙ୍କର ଏହି ସାହସକୁ ପ୍ରଶଂସା କରୁଛନ୍ତି । କେହି କେହି ତାଙ୍କୁ ନିଜର ଯତ୍ନ ନେବାକୁ ପରାମର୍ଶ ଦେଇଥିଲେ ତ ଆଉ କେହି ତାଙ୍କୁ ପ୍ରକୃତ ଖେଳାଳି କହିଛନ୍ତି। ଏହା ବ୍ୟତୀତ କନିକା ଶୋ’କୁ ଯିବା ପୂର୍ବରୁ ହୋଷ୍ଟ ରୋହିତ ଶେଟ୍ଟୀଙ୍କ ବିଷୟରେ ଖୁବ୍ ପ୍ରଶଂସା କରିଥିଲେ। ଶୋ’କୁ ନେଇ ଖୁବ୍ ଉତ୍ସାହିତ ଦେଖାଯାଉଥିଲେ ।
