ନୂଆଦିଲ୍ଲୀ ୮/୪: ଆସନ୍ତାକାଲିଠୁ ଆରମ୍ଭ ହେବାକୁ ଫଟାଫଟ୍ କ୍ରିକେଟ୍ ମହାକୁମ୍ଭ IPL T-20 । ହେଲେ ମ୍ୟାଚ୍ ପୂର୍ବରୁ ବିସ୍ଫୋରକ ବୟାନ ରଖିଛନ୍ତି ପାକିସ୍ତାନର ପୂର୍ବତନ କ୍ରିକେଟର ଶାହିଦ୍ ଆଫ୍ରିଦି । ସେ କହିଛନ୍ତି ଅନ୍ତରାଷ୍ଟ୍ରୀୟ ଖେଳ ଉପରେ ପ୍ରଭାବ ପକାଉଛି T-20 କ୍ରିକେଟ୍ । ଏହା ବିଷୟରେ ସମସ୍ତେ ଚିନ୍ତା କରିବା ଦରକାର ।
ଏଇ ନିକଟରେ ଅନୁଷ୍ଠିତ ହୋଇଥିଲା ପାକିସ୍ତାନ-ସାଉଥ ଦିନିକିଆ ସିରିଜ୍ । ତେବେ ତୃତୀୟ ଏବଂ ଶେଷ୍ ମ୍ୟାଚ୍ ଥିଲା ଅତ୍ୟନ୍ତ ରୋମାଞ୍ଚକର । ୨୮ ରନରେ ଦକ୍ଷିଣ ଆଫ୍ରିକାକୁ ହରାଇଥିଲା ପାକିସ୍ତାନ୍ ଟିମ୍ । ଫଳରେ ଏହି ବିଜୟ ପରେ ପାକିସ୍ତାନରେ ଉତ୍ସବର ମାହୋଲ ଚାଲିଛି । ଟିମକୁ ପ୍ରଶଂସା କରିଛନ୍ତି ଅନେକ ପୂର୍ବତନ କ୍ରିକେଟର । ଶାହିଦ୍ ମଧ୍ୟ ଟିମ୍ ଶୁଭେଚ୍ଛା ଜଣାଇଛନ୍ତି । ତେବେ ଏହି ସିରିଜିରେ ଆଫ୍ରିକା ବୋର୍ଡ ନିଷ୍ପତ୍ତି ଉପରେ ପ୍ରଶ୍ନ କରିଛନ୍ତି । ଟ୍ୱିଟ୍ କରି ସେ କହିଛନ୍ତି ମୁଁ ଆଶ୍ଚର୍ଯ୍ୟ, ଯେ ସିରିଜ୍ ଚାଲିଥିବା ସମୟରେ ବୋର୍ଡ କିପରି ଖେଳାଳୀଙ୍କୁ ଆଇପିଏଲରେ ଖେଳିବାକୁ ଅନୁମତି ଦେଉଛନ୍ତି କିପରି । ଜାଣି କଷ୍ଟ ଲାଗୁଛି, ବର୍ତ୍ତମାନ ଅନ୍ତରାଷ୍ଟ୍ରୀୟ ମ୍ୟାଚ ଉପରେ ଭାରି ପଡୁଛି ଫଟାଫଟ୍ କ୍ରିକେଟ୍ ।
