ନୂଆଦିଲ୍ଲୀ ୨୧/୪: ଆଜି IPL ରେ ମହାମୁକାବିଲା । ବୁଧବାରରେ ଆଜି ହେବ ଡବଲ ଫାଇଟ । ଅପରାହ୍ନ ୩.୩୦ରେ ଚେନ୍ନାଇରେ ମୁହାଁମୁହାଁ ହେବେ ସନରାଇଜର୍ସ ହାଇଦ୍ରାବାଦ-ପଞ୍ଜାବ କିଙ୍ଗ୍ସ । ସେହିପରି ରାତି ୭.୩୦ରେ ଚେନ୍ନାଇ ସୁପରକିଙ୍ଗ୍ସ ଓ କୋଲକାତା ମଧ୍ୟରେ ଖେଳାଯିବ ମ୍ୟାଚ । ପ୍ରଥମ ମ୍ୟାଚଟି ହାଇଦ୍ରାବାଦ ପାଇଁ ଅନେକ ଗୁରୁତ୍ୱପୂର୍ଣ୍ଣ ।
ଲଗାତାର ୩ଟି ମ୍ୟାଚ ହାରିବା ପରେ ବିଜୟ ଧାରାକୁ ଫେରିବାକୁ ଲକ୍ଷ୍ୟ ରଖିଛି ଓ୍ୱାର୍ଣ୍ଣର ବାହିନୀ । ସେହିପରି ପଞ୍ଜାବ ୩ଟିରୁ ଗୋଟିଏ ମ୍ୟାଚ୍ ଜିତି ଆରସିବି ତୁଳନାରେ ଅପେକ୍ଷା କୃତ ଭଲ ପୋଜିସନର ରହିଛି । ତେବେ ଏହି ମ୍ୟାଚ୍ ଉଭୟ ଟିମ୍ ବେଶ୍ ଗୁରୁତ୍ୱ । ସେପଟେ ୨ୟ ମ୍ୟାଚରେ ଆଜି ହେବିଓ୍ୱେଟ୍ ମୁକାବିଲା ହେବେ ।
ଧୋନୀ ବାହିନୀ ସହ କେକେଆରର କଡ୍ଡା ଟକ୍କର ଦେଖିବାକୁ ମିଳିବ । ପ୍ରଥମ ମ୍ୟାଚ୍ ହାରିବା ପରେ ଲଗାତାର ୨ଟି ମ୍ୟାଚ୍ ଜିତି ଚେନ୍ନାଇର ମନୋବଳ ଦୃଢ ରହିଛି । ବିଜୟ ଧାରା ବଜାୟ ରଖିବା ଲକ୍ଷ୍ୟରେ ପଡିଆକୁ ଓହ୍ଲାଇବ ଧୋନୀ ଧୂରନ୍ଧର । ଅନ୍ୟପକ୍ଷରେ ଲଗାତାର ହାରିବା ପରେ ସଂଘର୍ଷ କରୁଛି କୋଲାକାତା ନାଇଟ ରାଇଡର୍ସ ।
