ଭୁବନେଶ୍ୱର : ଖୋର୍ଦ୍ଧା ସରକାରୀ ଚାକିରିଆଙ୍କ ଖୁସୀ ଖବର । ଆସନ୍ତା ବୁଧବାର ଲୋକାଲ ହଲି ଡେ ଭାବରେ ଛୁଟି ଘୋଷଣା କରାଯାଇଛି । ଏପ୍ରିଲ ୨୯ ତାରିଖ ବୁଧବାର ଆଶୋକାଷ୍ଟମୀ ପାଳନ ହେବ । ଏହି ଦିନକୁ ଛୁଟି ଘୋଷଣା କରିଛନ୍ତି ଡିଆରଏସ । ସେ କହିଛନ୍ତି ଯେ, ଏହି ଦିନ ହେଉଛି ଲୋକାଲ ହଲି ଡେ । ତେଣୁ ଏହି ଦିନ ଖୋର୍ଦ୍ଧାର ସମସ୍ତ ସରକାରୀ ଅଫିସ ବନ୍ଦ ରହିବ । ତେଣୁ ସରକାରୀ ଚାକିରିଆ କର୍ମ କ୍ଷେତ୍ରରୁ ବିରତି ପାଇବେ ।
ଖୋର୍ଦ୍ଧା ବ୍ୟତୀତ ଅନ୍ୟ କୌଣସି ଜିଲ୍ଲାରେ ଛୁଟି ଘୋଷଣା କରାଯାଇନାହିଁ । ସେହିପରି ବେସରକାରୀ ସଂସ୍ଥାରେ ମଧ୍ୟ ଏନେଇ କୌରସି ଛୁଟି ଘୋଷଣା କରାଯାଇନାହିଁ । କେବଳ ସରକାରୀ ଚାକରିଆଙ୍କ ପାଇଁ ଛୁଟି ଘୋଷଣା କରାଯାଇଛି ।
ସୂଚନାଯୋଗ୍ୟ, ଅଶୋକାଷ୍ଟମୀରେ ଭୁବନେଶ୍ୱରରେ ରୁକୁଣା ରଥ ଯାତ୍ରା ପାଳିତ ହୁଏ । ପ୍ରଭୁ ଶ୍ରୀ ଲିଙ୍ଗରାଜ ମନ୍ଦିରରୁ ଶୋଭାଯାତ୍ରା ବାହାରି ମାଉସୀ ମା’ ମନ୍ଦିର ଯାଏ । ସେଠାରେ ୫ ଦିନର ନୀତିକାନ୍ତି ଅନୁଷ୍ଠିତ ହୁଏ ।
