ମୁମ୍ଵାଇ ୨୮।୧୦୩: ବିସିସିଆଇ ସଚିବ ତଥା ସେକ୍ରେଟେରି ଜୟ ଶାହା ନିକଟରେ ବଡ ଘୋଷଣା କରିଛନ୍ତି । କ୍ରିକେଟ୍ ବୋର୍ଡ ନିଷ୍ପତ୍ତି ନେଇଛି ଯେ ମହିଳା କ୍ରିକେଟ୍ ଦଳର ଖେଳାଳିମାନେ ପୁରୁଷ କ୍ରିକେଟରଙ୍କ ପରି ସମାନ ଫି ପାଇବେ। ବିସିସିଆଇର ଏହି ନିଷ୍ପତ୍ତିରେ ସମସ୍ତେ ବହୁତ ଖୁସି ଅଛନ୍ତି । ଏହି ନିଷ୍ପତ୍ତିକୁ ନେଇ ସୋସିଆଲ୍ ମିଡିଆରେ ଖୁବ୍ ପ୍ରଶଂସା କରାଯାଉଛି । ବର୍ତ୍ତମାନ ଏହା ଉପରେ ଶାହାରୁଖ ମଧ୍ୟ ଏକ ପୋଷ୍ଟ ସେୟାର କରିଛନ୍ତି ।
ଜୟ ଶାହାଙ୍କ ଟ୍ୱିଟ୍ ସେୟାର କରି ସେ ଲେଖିଛନ୍ତି, ‘କେତେ ଭଲ ଫ୍ରଣ୍ଟ୍ ସଟ୍। କ୍ରୀଡ଼ାରେ ସମସ୍ତେ ସମାନ। ଆଶା କରେ ଅନ୍ୟମାନେ ମଧ୍ୟ ଏହାକୁ ଫଲୋ କରିବେ।କହିବାକୁ ଗଲେ ଶାହାରୁଖ ନିଜେ ଜଣେ କ୍ରିକେଟ୍ର ବଡ ପ୍ରଶଂସକ । ତାଙ୍କର ନିଜର ଆଇପିଏଲ୍ କ୍ରିକେଟ୍ ଦଳ କୋଲକାତା ନାଇଟ୍ ରାଇଡର୍ସ ଅଛି। ଏହା ବ୍ୟତୀତ କେରିବିଆନ୍ ପ୍ରିମିୟର ଲିଗରେ ତାଙ୍କର ଏକ ମହିଳା କ୍ରିକେଟ୍ ଟିମ୍ ମଧ୍ୟ ଅଛି ।
ଶାହାରୁଖଙ୍କ ବ୍ୟତୀତ ଅନୁଷ୍କା ଶର୍ମା ଏବଂ ତାପସୀ ପନ୍ନୁ ମଧ୍ୟ ବିସିସିଆଇର ଏହି ନିଷ୍ପତ୍ତିକୁ ପ୍ରଶଂସା କରିଛନ୍ତି। ଉଭୟ ଅଭିନେତ୍ରୀ ଏଭଳି ମହିଳା କ୍ରିକେଟରଙ୍କ ଉପରେ ଫିଲ୍ମ କରିଛନ୍ତି। ତାପସୀ କ୍ରିକେଟର ମିତାଲି ରାଜଙ୍କ ଉପରେ ଆଧାର କରି ସାବାସ ମିଠୁରେ କାମ କରିଥିବା ବେଳେ ଅନୁଷ୍କା ଚକଦା ଏକ୍ସପ୍ରେସ୍ରେ ଆସିବାକୁ ଯାଉଛନ୍ତି । ଯାହା ଝୁଲଣ ଗୋସ୍ଵାମୀଙ୍କ ଉପରେ ଆଧାରିତ।
