ଗୌହ୍ବାଟୀ: ଆସାମର ଗୌହ୍ବାଟୀରେ ଥିବା ଲୋକପ୍ରିୟ ଗୋପୀନାଥ ବୋରଦଲାଇ ଅନ୍ତର୍ଜାତୀୟ ବିମାନବନ୍ଦର ବାହାରେ ଛାତର ଏକ ଅଂଶ ରବିବାର ଦିନ ଖସିପଡ଼ିଛି। ଝଡ଼ତୋଫାନ ଓ ବର୍ଷା ହେତୁ ଛାତ ଖସିବା ପରେ ବିମାନବନ୍ଦରରେ ପାଣି ଜମି ଯାଇଥିବା ଦେଖିବାକୁ ମିଳିଛି।
ଏହି ଘଟଣାରେ କାହାର କୌଣସି କ୍ଷୟକ୍ଷତି ହୋଇନଥିବା ବେଳେ ଛାତର ଏକ ଅଂଶ ଭୁଶୁଡ଼ିବ ବିମାନବନ୍ଦରର କର୍ତ୍ତୃପକ୍ଷ କାର୍ଯ୍ୟ ବନ୍ଦ କରି ୬ଟି ବିମାନକୁ ଅନ୍ୟ ଗନ୍ତବ୍ୟସ୍ଥଳକୁ ପଠାଇ ଦେଇଛନ୍ତି।
ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଘଟଣାର ଏକ ଭିଡିଓରେ ଦର୍ଶାଯାଇଛି ଯେ ଛାତର ଏକ ଅଂଶ ହଠାତ୍ ଭୁଶୁଡ଼ି ପଡିଛି, ଯାତ୍ରୀ ଏବଂ ବିମାନବନ୍ଦର ଦୌଡ଼ାଦୌଡ଼ି କରୁଛନ୍ତି।
ଅନ୍ୟ ଭିଡିଓରେ ଦର୍ଶାଯାଇଛି ଯେ ବିମାନବନ୍ଦର କର୍ମଚାରୀମାନେ ପରିସରରୁ ଜଳ ବାହାର କରିବାକୁ ଚେଷ୍ଟା କରୁଛନ୍ତି। ମୁଖ୍ୟ ବିମାନବନ୍ଦର ଅଧିକାରୀ (ସିଏଓ) ଉତ୍ପଳ ବାରୁହ ନ୍ୟୁଜ୍ ଏଜେନ୍ସି ପିଟିଆଇକୁ କହିଛନ୍ତି ଯେ ଏହି ଝଡ଼ ବିମାନବନ୍ଦର ବାହାରେ ଥିବା ଓଏଲ୍ ଇଣ୍ଡିଆ କମ୍ପ୍ଲେକ୍ସରେ ଏକ ବଡ଼ ଗଛକୁ ଉପୁଡ଼ି ଦେବା ପରେ ରାସ୍ତା ଅବରୋଧ ହୋଇଛି।
ସେ କହିଛନ୍ତି, “ଏହି ଛାତ ବହୁତ ପୁରୁଣା ଥିଲା। ସେହି କାରଣରୁ ସେ ଏହାର ପ୍ରଭାବକୁ ସହ୍ୟ କରିପାରି ନଥିଲା। ଛାତ ଫାଟିଯିବାରୁ ପାଣି ପଶିଯିବାରୁ ଯାତ୍ରୀଙ୍କ ପାଇଁ ସମସ୍ୟା ସୃଷ୍ଟି ହୋଇଥିଲା।’’
ସିଏଓ କହିଛନ୍ତି, “ମୁଁ ବ୍ୟକ୍ତିଗତ ଭାବେ ପରିସ୍ଥିତିକୁ ତଦାରଖ କରୁଛି ଯାହାଦ୍ୱାରା ଯାତ୍ରୀମାନେ କୌଣସି ଅସୁବିଧାର ସମ୍ମୁଖୀନ ନ ହୁଅନ୍ତି। ଝଡ଼ ଏବଂ ପ୍ରବଳ ବର୍ଷା ଯୋଗୁ ଦୃଶ୍ୟମାନତା ହ୍ରାସ ପାଇଛି ଏବଂ ଆମକୁ ୬ଟି ବିମାନକୁ ସ୍ଥାନାନ୍ତର କରିବାକୁ ପଡ଼ିଲା।”
