ଝାରସୁଗୁଡ଼ା: ଝାରସୁଗୁଡ଼ା ଜିଲ୍ଲା ଲଇକେରା ଥାନା ଅନ୍ତର୍ଗତ ପତ୍ରାପାଲି ବଜାର ପଡ଼ାରେ ଗତକାଲି ବିଳମ୍ବିତ ରାତିରେ ଗାଁ ଦାଣ୍ଡରେ ଜଣେ ଯୁବକଙ୍କୁ ପିଟି ପିଟି ହତ୍ୟା କରାଯାଇଛି। ମୃତକ ହେଲେ ସେହି ଗାଁର ବିପିନ ଭୋଇ (୨୫)। ସୂଚନା ପାଇ ଲଇକେରା ପୁଲିସ୍ ଏକ ହତ୍ୟା ମାମଲା ରୁଜୁ କରି ୬ ଜଣଙ୍କୁ ଅଟକ ରଖିଛି। ସେପଟେ ସାଇନ୍ଟିଫିକ ଟିମ୍ ଘଟଣସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଛି।
ଘଟଣାସ୍ଥଳରେ ହତ୍ୟାରେ ବ୍ୟବହୃତ ଠେଙ୍ଗା ଏବେ ବି ପଡ଼ିରହିଛି। ସୂଚନା ଅନୁସାରେ ଗ୍ରାମର ବିପିନ ଓ ତାଙ୍କ ସାଙ୍ଗମାନେ ଗତକାଲି ରାତିରେ ପାର୍ଟି କରୁଥିଲେ। ଏହି ସମୟରେ କୌଣସି କଥାକୁ କେନ୍ଦ୍ର କରି ବଚସା ହେବା ପରେ ସାଙ୍ଗମାନେ ହିଁ ବିପିନଙ୍କୁ ପିଟି ପିଟି ମାରି ଦେଇଥିଲେ।
