ବାହାନଗା ଟ୍ରେନ୍ ଦୁର୍ଘଟଣାକୁ ନେଇ ସାଂଘାତିକ ତଥ୍ୟ । ରେଲୱେ ସେଫ୍ଟି କମିଶନରଙ୍କ ରିପୋର୍ଟରୁ ସାଂଘାତିକ ତଥ୍ୟ ମିଳିଥିବା ସୂଚନା । ଗତକାଲି ତଦନ୍ତ ରିପୋର୍ଟ ରେଳ ବୋର୍ଡ ନିକଟରେ ଦାଖଲ କରିଛି ରେଲୱେ ସେଫ୍ଟି କମିଶନ । ସିବିଆଇ ତଦନ୍ତ ଚାଲୁଥିବାରୁ ରିପୋର୍ଟ ସାର୍ବଜନୀନ କରାଯାଇନାହିଁ । ହେଲେ ରେଲୱେ ସେଫଟି କମିଶନରଙ୍କ ରିପୋର୍ଟକୁ ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ରିଲେ ରୁମ୍ ଷ୍ଟାଫଙ୍କ ତ୍ରୁଟି ଦୁର୍ଘଟଣାର ବଡ଼ କାରଣ ବୋଲି କୁହାଯାଉଛି ।
ସିଗନାଲ ଓ ଟେଲି କମ୍ୟୁନିକେସନ୍ ବିଭାଗରେ ତ୍ରୁଟି ଥିବା ମଧ୍ୟ ଉଲ୍ଲେଖ ଥିବା ଜଣାପଡ଼ଛି । କେବଳ ଟେକ୍ନିକାଲ ତ୍ରୁଟି ନେଇ ସେଫ୍ଟି କମିଶନର ରିପୋର୍ଟ ଦେଇଥିବା ସୂଚନା ମିଳିଛି । ତେବେ ଦୁର୍ଘଟଣା ଉଦ୍ଦେଶ୍ୟମୂଳକ ଥିଲା କି ନାହିଁ ତାହା ସିବିଆଇ ତଦନ୍ତ କରିବ । ଗତ ମାସ ୨ ତାରିଖରେ ବାହାନଗାରେ ଦୁର୍ଘଟଣା ହୋଇଥିଲା । ଏଥିରେ ୨୯୩ ଜଣଙ୍କ ଜୀବନ ଯାଇଥିବା ବେଳେ ହଜାରେରୁ ଅଧିକ ଲୋକ ଆହତ ହୋଇଛନ୍ତି ।
