ନୂଆଦିଲ୍ଲୀ : ଭାରତରେ ହେବାକୁ ଥିବା ଦିନିକିଆ ବିଶ୍ବକପ୍ର ସୂଚୀ ପ୍ରକାଶ ପାଇସାରିଲାଣି। ଅକ୍ଟୋବର-ନଭେମ୍ବରରେ ହେବାକୁ ଥିବା ଏହି ବିଶ୍ବକପ୍ର ୫ଟି ମ୍ୟାଚ୍ ଦିଲ୍ଲୀସ୍ଥିତ ଅରୁଣ ଜେଟଲି ଷ୍ଟାଡିୟମରେ ଆୟୋଜିତ ହେବ। ବିଶ୍ବକପ୍ ମ୍ୟାଚ୍ ଆୟୋଜନ ଅଧିକାର ପାଇବା ପରେ ଏହି ଷ୍ଟାଡିୟମର ରୂପରେଖ ବଦଳିବାକୁ ଯାଉଛି।
ଚଳିତ ବର୍ଷ ଭାରତ-ଅଷ୍ଟ୍ରେଲିଆ ମଧ୍ୟରେ ଦ୍ବିତୀୟ ଟେଷ୍ଟ ଖେଳାଯାଇଥିଲା। ହେଲେ ଷ୍ଟାଡିୟମର ସଫାସୁତୁରାକୁ ନେଇ ଉଭୟ ଦଳ ସମାଲୋଚନା କରିଥିଲେ। ଏଥିଲାଗି ଷ୍ଟାଡିୟମର ମରାମତି କାମ କରିବାକୁ ଦିଲ୍ଲୀ ଓ ଡିଷ୍ଟ୍ରିକ୍ଟ କ୍ରିକେଟ୍ ସଂଘ (ଡିଡିସିଏ) ନିଷ୍ପତ୍ତି ନେଇଛି। ଏଥିପାଇଁ ୨୦ରୁ ୨୫ କୋଟି ଟଙ୍କା ଖର୍ଚ୍ଚ ହେବା ନେଇ ବଜେଟ ହୋଇଛି। ଏହି ଷ୍ଟାଡିୟମରେ ଦର୍ଶକ କ୍ଷମତା ୩୫ ହଜାର ରହିଛି। ଅକ୍ଟୋବର ୭ରେ ଦକ୍ଷିଣ ଆଫ୍ରିକା ଓ କ୍ବାଲିଫାୟର ୧ ମଧ୍ୟରେ ଏଠାରେ ପ୍ରଥମ ମ୍ୟାଚ୍ ଖେଳାଯିବ।
