ଲକ୍ଷ୍ନୌ: ଉତ୍ତରପ୍ରଦେଶ ମୈନପୁରୀର କରହଲ୍ ଅଞ୍ଚଳରେ ଗୋଟିଏ ପରିବାରର ୩ ସଦସ୍ୟଙ୍କୁ ଗୁଳିକରି ହତ୍ୟା କରାଯାଇଛି। ସାମାନ୍ୟ ଅଳିଆ ପକାଇବାକୁ ନେଇ ପାଟିତୁଣ୍ଡ ହେବାରୁ ଏହି ଘଟଣା ଘଟିଛି। ଏସ୍ପି ବିନୋଦ କୁମାର କହିଛନ୍ତି, କରହଲ ଅଞ୍ଚଳର ଅତିରାମପୁର ଗ୍ରାମରେ ଗୋଟିଏ ପରିବାରର କିଛି ସଦସ୍ୟଙ୍କ ମଧ୍ୟରେ ଅଳିଆ ପକାଇବାକୁ କେନ୍ଦ୍ରକରି ବିବାଦ ଉପୁଜିଥିଲା। ଏହି ବିବାଦ ସୋମବାର ଦିନ ଅତି ଉଗ୍ର ରୂପ ନେଇଥିଲା ଏବଂ ଜଣେ ବ୍ୟକ୍ତି ଗୋଟିଏ ପରିବାରର ୩ ଜଣ ସଦସ୍ୟ କୟମ ସିଂହ (୮୫), ରାମେଶ୍ବର ସିଂହ (୭୫) ଏବଂ ମମତା ଦେବୀ (୨୮)ଙ୍କୁ ଗୁଳିକରି ହତ୍ୟା କରିଛି। ଆଉ ଜଣେ ଗୁଳିମାଡ଼ରେ ଗୁରୁତର ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା। ଅଭିଯୁକ୍ତ ରାହୁଲ ଯାଦବ, କୁମାରକୁ ଗିରଫ କରିବାପାଇଁ ୫ ପୁଲିସ ଟିମ୍ ମୁତୟନ ହୋଇଛନ୍ତି।
ଅଳିଆ ପକାଇବାକୁ ନେଇ ପରିବାରର ୩ ଜଣଙ୍କୁ ଗୁଳିକରି ହତ୍ୟା
