ପାଳଲହଡ଼ା : ଅନୁଗୁଳ ଜିଲ୍ଲା ପାଳଲହଡ଼ା ଥାନା ବରଡିହ ପଞ୍ଚାୟତ ଖଡ଼କା ଗାଁରେ ଶୁକ୍ରବାର ଭୋର୍ରେ ଏକ ବୀଭତ୍ସ ହତ୍ୟାକାଣ୍ଡ ଘଟିଛି। ରଜ ଅବସରରେ ତାସ୍ ଖେଳ ଚାଲିଥିବାବେଳେ ଏଥିରେ ବଚସା ହେବାରୁ ଜଣେ ଯୁବକଙ୍କୁ ସଂଘବଦ୍ଧ ଆକ୍ରମଣ ସହିତ ପଥରରେ ଛେଚି ହତ୍ୟା କରାଯାଇଛି। ମୃତ ଯୁବକ ହେଲେ, ମେଘନାଦ ବେହେରା (୪୦)।
ସୂଚନା ଅନୁଯାୟୀ, ରଜ ଅବସରରେ ଗତକାଲି ଦିନବେଳେ ଓ ରାତିସାରା ଗାଁରେ ତାସ୍ ଖେଳ ଚାଲିଥିଲା। ଆଜି ଭୋର୍ ପ୍ରାୟ ୪ ଟାବେଳେ ଖେଳାଳିଙ୍କ ମଧ୍ୟରେ ବଚସା ହୋଇଥିଲା। ବଚସା କ୍ରମେ ଉଗ୍ରରୂପ ନେଇଥିଲା। ତାସ୍ ଖେଳୁଥିବା ମେଘନାଦଙ୍କୁ ହଠାତ୍ ୪ ଜଣ ଯୁବକ ରଂଜନ ଗିରି, ତାଙ୍କ ଭାଇ ଦୁଖନ ଗିରି, ସହଯୋଗୀ ଚକ୍ର ଗିରି ଓ ଫକିର ଗିରି ସଂଘବଦ୍ଧ ଭାବେ ଟାଙ୍ଗିଆରେ ହାଣି ରକ୍ତାକ୍ତ କରିବା ପରେ ପଥର ଛେଚି ହତ୍ୟା କରିଥିଲେ।
