ବେଙ୍ଗାଲୁରୁ: ଆଜି କର୍ଣ୍ଣଟକ ବିଧାନସଭା ନିମନ୍ତେ ଭୋଟ୍ ଗ୍ରହଣ ଆରମ୍ଭ ହେବାର କଛି ସମୟ ପୂର୍ବରୁ ରାଜ୍ୟର ଉତ୍ତର ପ୍ରାନ୍ତରେ ଗୋଆର କେତେକ ବସ୍ ଦେଖିବା ପରେ କଂଗ୍ରେସ ସମସ୍ତଙ୍କୁ ସତର୍କ କରାଇଛି।
ଉକ୍ତ ବସ୍ଗୁଡ଼ିକର ଭିଡିଓ ସେୟାର୍ କରି କଂଗ୍ରେସ ପଚାରିଛି, କ’ଣ ବେଆଇନ୍ ଅର୍ଥ ପରିବହନ କରାଯାଉଛି ନା, ମିଥ୍ୟା ଭୋଟ୍ ପାଇଁ ଯୋଜନା?
ଭୋଟ୍ ଗ୍ରହଣର ବହୁ ଆଗରୁ କଂଗ୍ରେସ ନେତା ରଣଦୀପ ସୂର୍ଯ୍ୟେୱାଲା ମଧ୍ୟ ଗୋଟାଏ ‘ରିସର୍ଟ’ ସମ୍ପୃକ୍ତି କଥା ଉଲ୍ଲେଖ କରିଥିଲେ। ସେ ପଚାରିଛନ୍ତି, ଡାଣ୍ଡେଲିସ୍ଥିତ ‘ୱିସିଲିଙ୍ଗ୍ ଉଡ୍ସ୍ ଜଙ୍ଗଲ୍ ରିସର୍ଟ’ରେ ଗୋଆ ମନ୍ତ୍ରୀ ବିଶ୍ବଜିତ ରାଣେ ୬ଟି ରୁମ୍ ବୁକ୍ କରିଛନ୍ତି କି?
ଏଥର ରିସର୍ଟ ରାଜନୀତି ଶୀଘ୍ର ପ୍ରବେଶ କରିଛି ବୋଲି ସୂଚନା ଦେଇ ସୂର୍ଯ୍ୟେୱାଲା ଟୁଇଟ୍ କରି ସୂଚନା ଦେଇ ପଚାରିଛନ୍ତି, କର୍ଣ୍ଣାଟକ ପୁଲିସ କୁଆଡ଼େ ଗଲେ? ଭାରତର ନିର୍ବାଚନ କମିସନ୍ କ’ଣ ପଦକ୍ଷେପ ଗ୍ରହଣ କରିବ?
ନିର୍ବାଚନ ପୂର୍ବରୁ କର୍ଣ୍ଣାଟକରେ ପ୍ରଚାର ଅଭିଯାନ ଅତି ପ୍ରବଳ ଥିବା ବେଳେ ‘ଓପିନିୟନ୍ ପୋଲ୍’ କଂଗ୍ରେସ ସପକ୍ଷରେ ଯାଇଛି। ଏହାଛଡ଼ା, ବିଭିନ୍ନ ମତ ମନ୍ତବ୍ୟକୁ ନେଇ ଉଭୟ ‘ବିଜେପି’ ଓ ‘କଂଗ୍ରେସ’ ନେତାଙ୍କ ମଧ୍ୟରେ ଯୁକ୍ତିତର୍କ ତିକ୍ତତର ହୋଇଛି। କ୍ଷମତାକୁ ଆସିଲେ, କଂଗ୍ରେସ କର୍ଣ୍ଣାଟକରେ ‘ବଜରଙ୍ଗ ଦଳ’କୁ ନିଷିଦ୍ଧ କରିବ ବୋଲି ‘ଇସ୍ତାହାର’ରେ ପ୍ରତିଶ୍ରୁତି ଦେଇଥିବା ବେଳେ ଭୋଟ୍ ଦେବା ବେଳେ ‘ବଜରଙ୍ଗ ବଳୀ’ଙ୍କୁ (ହନୁମାନ) ସ୍ମରଣ କରିବା ପାଇଁ ପ୍ରଧାନମନ୍ତ୍ରୀ ମୋଦୀ କର୍ଣ୍ଣାଟକର ଭୋଟର୍ମାନଙ୍କୁ କହିଥିଲେ।
