ଚଣ୍ଡିଖୋଲ ୨୮/୧୧- ଯାଜପୁର ଜିଲ୍ଲା ବଡ଼ଚଣାରେ ସଫେଇ କାର୍ଯ୍ୟକ୍ରମ । ବଡ଼ଚଣା ଥାନା ଆମ ପୋଲିସ ପକ୍ଷରୁ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ମହାବିନାୟକ ପୀଠ ପରିସରକୁ ସଫେଇ କରିଛି ଆମ ପୋଲିସ । ବଡ଼ଚଣା ଥାନା ଅଧିକାରୀଙ୍କ ନେତୃତ୍ବରେ ସ୍ଥାନୀୟ ଅଞ୍ଚଳର ବୁଦ୍ଧିଜୀବୀ ଶୈବ ପୀଠ ପରିସରକୁ ସଫା କରିଛନ୍ତି ।
ପ୍ରତିଦିନ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ମହାବିନାୟକ ପୀଠକୁ ଆସିଥାନ୍ତି । ଏବେ ପର୍ଯ୍ୟଟନ ଋତୁ ଚାଲୁଥିବାରୁ ମାହଦେବଙ୍କୁ ଦର୍ଶନ କରିବା ସହିତ ବଣଭୋଜି ମଧ୍ୟ କରିଥାନ୍ତି ପର୍ଯ୍ୟଟକ । ଫଳରେ ମନ୍ଦିର ପରିସରର ବିଭିନ୍ନ ସ୍ଥାନରେ କୁଢ କୁଢ ଆବର୍ଜନାରେ ପଡ଼ିଥାଏ । ତେବେ ଏହାକୁ ବଡ଼ଚଣା ଥାନା ପୋଲିସ ପକ୍ଷରୁ ସଫା କରାଯାଇଛି । ଆଗାମୀ ଦିନରେ ଏହି ସଫେଇ କାର୍ଯ୍ୟକ୍ରମ ଜାରି ରହିବ ବୋଲି ଥାନା ଅଧିକାରୀ କହିଛନ୍ତି ।
