ଖେଳୁଥିବା ବେଳେ ପୋଖରୀକୁ ଖସି ପଡ଼ିଲା ୩ ବର୍ଷର ଶିଶୁ, ମୃତ ଘୋଷଣା କଲେ ଡାକ୍ତର

ଚାନ୍ଦବାଲି, ୧୬/୧୧: ପୋଖରୀରେ ପଡ଼ି ଜଣେ ୩ ବର୍ଷର ଶିଶୁର ମୃତ୍ୟୁ ହୋଇଛି । ମୃତ ଶିଶୁ ଜଣକ ହେଉଛନ୍ତି ବାଂଶାଡ଼ା ଥାନା ଅଧିନ ନଳଗୋହିରା ପଂଚାୟତ କରଣପୋଖରୀ ଗାଁର ରାଜେନ୍ଦ୍ର ବେହେରାଙ୍କ ପୁଅ ଜଗନ ବେହେରା । ଶିଶୁଟି ଘର ନିକଟରେ ଖେଳୁଥିବା ସମୟରେ ଅସାବଧାନତାରେ ପୋଖରୀରେ ପଡ଼ିଯାଇଥିଲା । ପରିବାର ଲୋକେ ଶିଶୁଟିକୁ ପୋଖରୀ ମଧ୍ୟରୁ ଉଦ୍ଧାର କରି ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ମଧ୍ୟ ଡ଼ାକ୍ତର ତାକୁ ମୃତ ଘୋଷଣା କରିଛନ୍ତି । ଏନେଇ ମେଡ଼ିକାଲ ପରିସରରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ଦେଖିବାକୁ ମିଳିଛି ।