ଖଲ୍ଲିକୋଟ ୧୬।୧୧: ପବିତ୍ର କାର୍ତ୍ତିକ ମାସର ସୋମବାରରେ ଖଲ୍ଲିକୋଟ ଅଞ୍ଚଳରେ ଏକ ଅଲୌକିକ ଘଟଣା ଦେଖିବାକୁ ମିଳିଛି । ମାଟି ଖୋଳୁ ଖୋଳୁ ହଠାତ୍ ଶିବ ଲିଙ୍ଗ ଆବିର୍ଭାବ ହୋଇଛନ୍ତି । ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ ଶ୍ରୀରାମଚନ୍ଦ୍ରପୁର ପଞ୍ଚାୟତ ଚନ୍ଦ୍ରପଦା ଗାଁରେ ଏଭଳି ଘଟଣା ଦେଖିବାକୁ ମିଳିଛି । ପରିତ୍ୟକ୍ତ ଭାବେ ପଡିଥିବା ପଡିଆରୁ ଶିବ ଲିଙ୍ଗ ଆବିର୍ଭାବ ହୋଇଛନ୍ତି ।
ସୂଚନା ଅନୁସାରେ କିଛି ଦିନ ତଳେ ସେହି ଗ୍ରାମର ଅନନ୍ତ ପ୍ରଧାନଙ୍କୁ ସ୍ବପ୍ନାଦେଶ ହୋଇଥିଲା । ସଂପୃକ୍ତ ବ୍ୟକ୍ତିଙ୍କର କଥାକୁ କେହି ବିଶ୍ବାସ କରିନଥିଲେ । ହେଲେ ଆଜି ଉକ୍ତ ସ୍ଥାନରେ ଚନ୍ଦନ ଚନ୍ଦନ ବାସ୍ନା ହେବାରୁ କିଛି ଯୁବକ ସେହି ସ୍ଥାନରେ ଖୋଳିବା ଆରମ୍ଭ କରିଥିଲେ । ଆଉ କିଛି ସମୟ ଖୋଲିବା ପରେ ହଠାତ ଚନ୍ଦନ ପ୍ରଲେପିତ ହୋଇଥିବା ଶିବ ଲିଙ୍ଗ ଆବିର୍ଭାବ ହୋଇଥିଲେ ।
ପରେ ଗାଁ ଲୋକଙ୍କୁ ଖବର ଦେବାରୁ ସମସ୍ତେ ଏକତ୍ରିତ ହୋଇ ଅଧିକ ଖୋଳାଖୋଳି କରିଥିଲେ। ପରେ ପାତାଳୀ ମୂର୍ତ୍ତି ଦେଖିବାକୁ ମିଳିଥିଲା । ଉକ୍ତ ସ୍ଥାନରେ ଏବେ ଭକ୍ତଙ୍କ ସୁଅ ଛୁଟିଛି । ଫଳରେ ସେଠାରେ ଭକ୍ତି ମୟ ପରିବେଶ ସୃଷ୍ଟି ହୋଇଛି ।
