ଯାଜପୁର ୨୭।୦୯ : ଦୁର୍ବୃତ୍ତଙ୍କ ଆକ୍ରମଣରେ ଘର ମାଲିକ ମୃତ। ଯାଜପୁର ବରୀ ବ୍ଲକ ଚଟୁମାରି ଗାଁରେ ବିଳମ୍ବିତ ରାତିରେ ଏହି ଘଟଣା ଘଟିଛି । ଆକ୍ରମଣର ଶିକାର ବିଶ୍ୱ ରଂଜନ ବିଶ୍ୱାଳଙ୍କ ବରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି।
ଖବର ଅନୁଯାୟୀ, ଦୁର୍ବୃତ୍ତମାନେ ଗତକାଲି ବିଳମ୍ବିତ ରାତିରେ ଭଅଁରା ପଞ୍ଚାୟତ ଚଟୁମାରି ଗାଁର ବିଶ୍ୱ ରଞ୍ଜନଙ୍କ ଘରେ ଚୋରି କରିବାକୁ ପଶିଥିଲେ। ବିଶ୍ୱ ଦୁର୍ବୃତ୍ତଙ୍କୁ ବିରୋଧ କରିବାରୁ ଦୁର୍ବୃତ୍ତମାନେ ତାଙ୍କୁ ଆକ୍ରମଣ କରିଥିଲେ। ଯେଉଁଥିରେ ଘର ମାଲିକଙ୍କ ମୃତ୍ୟୁ ହୋଇଛି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
