କଳାହାଣ୍ଡି ୧୭।୦୯: ବାର୍ହା ଶିକାର ପାଇଁ ବିଛାଯାଇଥିଲା ତାର । ବିଦ୍ୟୁତ ତାର ସଂସ୍ପର୍ଶରେ ଆସି ଯୁବକ ମୃତ । କଳାହାଣ୍ଡି ଜିଲ୍ଲା ନର୍ଲା ଅଲାବୁଲ୍ଲା ଗାଁରେ ଘଟିଛି ଏଭଳି ଅଭାବନୀୟ ଘଟଣା । ମୃତ ଯୁବକଙ୍କ ଘର ରାମପୁରରେ ହୋଇଥିବା ବେଳେ, ତାଙ୍କ ନାମ ସଞ୍ଜୀବ ରଣା ବୋଲି ଜଣାପଡିଛି ।
ଖବର ଅନୁଯାୟୀ, । ଶୁକ୍ରବାର ବିଳମ୍ବିତ ରାତିରେ ସଞ୍ଜୀବ ଭବାନୀପାଟଣାରେ ବିଲାତି ବାଇଗଣ ଦେଇ ନର୍ଲା ଫେରୁଥିଲେ । ଅଲାବୁଲ୍ଲା ନିକଟରେ ନିଜ ପିକ୍ଅପ୍ ଭ୍ୟାନ୍ ରଖି ପାଖକୁ ଶୌଚ ହେବାକୁ ଯାଇଥିଲା । ଏହି ସମୟରେ ପୋଖରୀ ନିକଟରେ ପୂର୍ବରୁ ବାର୍ହା ଶିକାର ପାଇଁ ବିଛାଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ ।ଯାହାଫଳରେ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଛି । ସେପଟେ ଗାଡିରେ ଥିବା ହେଲ୍ପର ଘଟଣାସଂପର୍କରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
