ବୋରିଗୁମ୍ମା ୧୧।୦୯ : ପରିବାର ନିୟନ୍ତ୍ରଣ ଅସ୍ତ୍ରୋପଚାର ପରେ ମହିଳାଙ୍କ ମୃତ୍ୟ ଅଭିଯୋଗ। ଅପରେସନ୍ ର ୧୦ ଘଣ୍ଟା ପରେ ମହିଳାଙ୍କ ମୃତ୍ୟୁ ହୋଇଛି। ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ବୋରିଗୁମ୍ମା ସୁକୁଲି ଗୁଡା ଗାଁର ନୀଳାଦ୍ରି ନାୟକଙ୍କ ମୃତ୍ୟୁ ପରେ ତାଙ୍କ ପରିବାର ଲୋକ ଆଣିଛନ୍ତି ସଙ୍ଗୀନ ଅଭିଯୋଗ।
ଖବର ଅନୁଯାୟୀ, ଶନିବାର ଜୟପୁର ଜିଲ୍ଲା ମେଡ଼ିକାଲରେ ପରିବାର ନିୟନ୍ତ୍ରଣ ଅସ୍ତ୍ରୋପଚାର କରାଇ ଆଶା ଦିଦିଙ୍କ ସହ ସନ୍ଧ୍ୟାରେ ଘରକୁ ଫେରିଥିଲେ। ଆଜି ଭୋରରୁ ନିଳାଦ୍ରୀଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯିବାରୁ ପରିବାର ଲୋକେ ତାଙ୍କୁ ବୋରିଗୁମ୍ମା ମେଡ଼ିକାଲ ଆଣିଥିଲେ। ହେଲେ ସେଠାରେ ନୀଳାଦ୍ରିଙ୍କୁ ମୃତ ଘୋଷଣା କରିଥିଲେ ଡାକ୍ତର। ଘଟଣାକୁ ନେଇ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ଶବ ବ୍ୟବଛେଦ ରିପୋର୍ଟ ଅସିବା ପରେ ହିଁ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ଅତିରିକ୍ତ ଥାନା ଅଧିକାରୀ କହିଛନ୍ତି। ତେବେ ପ୍ରଶ୍ନ ଉଠୁଛି ପରିବାର ନିୟନ୍ତ୍ରଣ ଅସ୍ତ୍ରୋପଚାରରେ କିଛି ତ୍ରୁଟି ରହିଥିଲା କି ?
