ମାଲକାନଗିରି, ୧୧|୦୯: ବିପୁଳ ପରିମାଣର କଇଁଛ ଜବତ । ମାଲକାନଗିରି ଜିଲ୍ଲା ମୋଟୁ ବନ ବିଭାଗ ତରଫରୁ ଚଢାଉ କରାଯାଇଥିବା ବେଳେ ୭୭ ଟି କଇଁଛ ଜବତ ହୋଇଛି । ଏହାସହ ୩ ଜଣ ଚୋରା ଚାଲାଣକାରୀଙ୍କୁ ଗିରଫ କରାଯାଇଛି ।
ସୂଚନା ଅନୁସାରେ, ଆନ୍ଧ୍ର ପ୍ରଦେଶରୁ ମୋଟୁ ଅଞ୍ଚଳକୁ ଗୋଟିଏ କାରରେ ୩ ଜଣ ବ୍ୟକ୍ତି କଇଁଛ ଆଣିବା ନେଇ ବନ ବିଭାଗକୁ ସୂଚନା ମିଳିଥିଲା । ଏହାପରେ ଏମଭି ୭୯ ରେଞ୍ଜର ଏବଂ ବନଭିଭାଗ ଟିମ୍ ରାସ୍ତାରେ ଜଗି ରହିଥିଲେ । ଏହି ସମୟରେ କାରଟି ଦ୍ରୁତଗତିରେ ପଳାଉଥିବା ବେଳେ ତାକୁ ଗୋଡ଼ାଇ ଧରିବାରେ ସଫଳ ହୋଇଥିଲେ । କାରଟିକୁ ଯାଞ୍ଚ କରିବାରୂ ୭୭ ଟି କଇଁଛ ମିଳିଥିଲା ।
ପରେ କାର୍ ସହ କଇଁଛ ଜବତ କରି ଗାଡ଼ିରେ ଥବା ୩ ଜଣଙ୍କୁ ଏମଭି ୭୯ ବନ ବିଭାଗ କାର୍ଯ୍ୟାଳୟରେ ଅଟକ ରଖାଯାଇ ପଚରାଉଚରା ଜାରି ରହିଛି । ଜବତ କରାଯାଇଥିବା ୭୭ଟି କଇଁଛ ମଧ୍ୟରୁ ୨୫ଟି କଇଁଛ ମରିଯାଇଥିବା ମୋଟୁ ରେଞ୍ଜର ସୂଚନା ଦେଇଛନ୍ତି ।
