ଚାନ୍ଦବାଲି ୫।୮: ଭଦ୍ରକ ଜିଲ୍ଲା ଧାମରା ନିକଟସ୍ଥ ଦୋସିଙ୍ଗା ବଜାରରୁ ୨ ଜଣ ଯୁବକ ଦୁଇ ପେଟି ମଦ ନେଇ ଆସୁଥିବା ବେଳେ ଚାନ୍ଦବାଲି ପୋଲିସ କୌଣସି ସୂତ୍ରରୁ ଖବର ପାଇ ଅଚାନକ ଚଢାଉ କରିଥିଲା । ଘଟଣାସ୍ଥଳରୁ ସ୍କୁଟି ସହ ୧୭ ଲିଟର ମଦ ଜବତ ସହ ୨ ଜଣକୁ ଗିରଫ କରି ଚାନ୍ଦବାଲି ଥାନା ଅଧିନସ୍ଥ ଗୋବିନ୍ଦପୁର ଥାନାକୁ ଆଣୁଥିବା ବେଳେ ଜଣେ ଯୁବକ ପୋଲିସ ହାତରୁ ଖସିଯାଇଥିବା ଜଣାପଡିଛି ।
ତେବେ ଦୋସିଙ୍ଗା ବଜାର ଧାମରା ଥାନା ଅଧିନସ୍ଥ ହୋଇଥିବା ବେଳେ କେମିତି ସଂପୃକ୍ତ ଚୋରା ମଦ ବ୍ୟବସାୟୀ ୨ଟି ଥାନା ଅଞ୍ଚଳ ଧାମରା ଏବଂ ବାଂଶଡା ଥାନା ଅତିକ୍ରମ କରି ଚାନ୍ଦବାଲି ଥାନା ଅଞ୍ଚଳକୁ ଆସିଥିଲେ । ଏ ଦୁଇ ଥାନା ଅଧିକାରୀ କିପରି ଖବର ପାଇଲେ ନାହିଁ ଅଥବା ଜାଣିଶୁଣି ଚୋରା ମଦ ବେପାରୀଙ୍କୁ ବେପାର କରିବା ପାଇଁ ପ୍ରୋତ୍ସାହନ ଦେଉଛନ୍ତି ତାହା ଚର୍ଚ୍ଚାର ବିଷୟ ପାଲଟିଛି । ଏନେଇ ଚାନ୍ଦବାଲି ଥାନାରେ ୨୫୨ନଂ କେସ୍ ରୁଜୁ ହୋଇ ସଂପୃକ୍ତ ଗିରଫ ହୋଇଥିବା ଯୁବକଙ୍କୁ କୋର୍ଟ ଚାଲାଣ କରାଯିବା ସହ ପୋଲିସ ଅଧିକ ତଦନ୍ତ ଜାରି ରଖିଛି।
