ଲମତାପୁଟ ୧୯/୦୭ : କମାଣ୍ଡର ଜିପ୍ ରୁ ୨୦ଲକ୍ଷ ଟଙ୍କା ର ଗଞ୍ଜେଇ ଜବତ । ଜଲାପୁଟରୁ ଆନ୍ଧ୍ରପ୍ରଦେଶକୁ ଚୋରା ଚାଲଣ ବେଳେ ମାଡିବସିଲା ଲମତାପୁଟ ପୋଲିସ । ବିଶେଷ ସୂତ୍ରରୁ ଖବର ପାଇ ଲମତାପୁଟ ପୋଲସ ସଗର ଗ୍ରାମ ଛକ ନିକଟରେ ନାକା ବନ୍ଦୀ କରି ଜଗିରହିଥିଲା ।
କମାଣ୍ଡର ଗାଡି ଟି ଦ୍ରୁତ ଗତିରେ ଆସୁଥିବା ଦେଖି ପୋଲିସ ଅଟକାଇଥିଲା । ପୋଲିସ କୁ ଦେଖି ଗାଡି ବୁଲାଇ ଲାମାତାପୁଟ ଅଭିମୁଖେ ଚାଲି ଯାଇଥିଲା ଡ୍ରାଇଭର । ପୋଲିସ ପିଛା କରିବା ଦେଖି କିଛିବାଟ ଯିବା ପରେ କଞ୍ଚଣା ନିକଟ ରେ ଗାଡି ଛାଡ଼ି ଡ୍ରାଇଭର ଜଙ୍ଗଲ ଭିତରକୁ ଚାଲି ଯାଇଥିଲା ।
ଗାଡି ଯାଞ୍ଚ କରିବାରୁ ସେଥିରୁ ୧୦ ଟି ଗଞ୍ଜେଇ ବସ୍ତା ପାଇଛି ପୋଲିସ । ୧୦ଟି ବସ୍ତାରେ ପ୍ରାୟ ୨ କୁଇଁଣ୍ଟାଲ ୧୫ କେଜି ଗଂଜେଇ ଥିବା ବେଳେ ଏହାର ମୂଲ୍ୟ ପ୍ରାୟ ୨୦ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି ।
