କଟକ ୧୭।୦୭: ଡେଲିଭରୀ ବୟଙ୍କ କ୍ଷତାକ୍ତ ମୃତଦେହ ଠାବ । କଟକ ସ୍ଥିତ ଆଇନ ବିଶ୍ୱବିଦ୍ୟାଳୟ ନିକଟରୁ ଯୁବକଙ୍କ ମୃତଦେହ ଠାବ କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ଆଇନ ବିଶ୍ୱବିଦ୍ୟାଳୟ ନିକଟରେ ଏକ ମୃତଦେହ ପଡିଥିବାର ଦେଖିବାକୁ ମିଳିଥିଲା । ଏହାପରେ ତୁରନ୍ତ ପୋଲିସକୁ ଖବର ଦିଆଯାଇଥିଲା । ପୋଲିସ ଖବର ପାଇ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ତେବେ ମୃତକ ଖାଦ୍ୟ ଡେଲିଭରି ସଂସ୍ଥା ସ୍ୱିଗିରେ କାମ କରୁଥିଲେ । ହେଲେ ଏପରି ରାସ୍ତାକଡ଼ରେ ଡେଲିଭରି ବୟଙ୍କ ମୃତଦେହ ମିଳିବା । ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ସେପଟେ ପୋଲିସ ଯୁବକଙ୍କୁ ହତ୍ୟା ସନ୍ଦେହରେ ତଦନ୍ତ ଆରମ୍ଭ କରିଛି । କିଏ ଓ କାହିଁକି ହତ୍ୟା କଲା, ସେନେଇ ଖୋଳତାଡ଼ ଜାରି ରଖିଛି ପୋଲିସ । ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ନିଆଯାଇପାରେ ବୋଲି ସୂଚନା ମିଳିଛି ।
