ମୁମ୍ବାଇ ୦୧।୦୭: ଏକନାଥ ସିନ୍ଦେଙ୍କୁ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହୋଇଥିବାରୁ ବଲିଉଡ ଅଭିନେତ୍ରୀ କଙ୍ଗନା ରାଣାୱତ ତାଙ୍କୁ ଅଭିନନ୍ଦନ ଜଣାଇଛନ୍ତି। କଙ୍ଗନା ବିଜେପିର ଜଣେ ଦୃଢ ସମର୍ଥକ। ଏନେଇ ଗୁରୁବାର ଦିନ କଙ୍ଗନା ସୋସିଆଲ୍ ମିଡିଆରେ ଏକ ଭିଡିଓ ମଧ୍ୟ ସେୟାର କରିଛନ୍ତି। ଯେଉଁଥିରେ ସେ ଗର୍ବ ଭାଙ୍ଗିବା ବିଷୟରେ କହିଥିଲେ। ତାଙ୍କ ବ୍ୟତୀତ କାଶ୍ମୀର ଫାଇଲର ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ମଧ୍ୟ ମହାରାଷ୍ଟ୍ରର ନୂତନ ସିଏମଙ୍କୁ ଟୁଇଟ୍ କରି ଅଭିନନ୍ଦନ ଜଣାଇଛନ୍ତି। ବର୍ତ୍ତମାନ ଦୁହେଁ ଲେଖିଛନ୍ତି କି ବିନା ଭୟରେ ବଞ୍ଚିପାରିବେ।
କଙ୍ଗନା ରାଣାୱତ ଗୁରୁବାର ଅର୍ଥାତ୍ ଗତକାଲି ନିଜ ଇନଷ୍ଟାଗ୍ରାମରେ ଏକନାଥ ସିନ୍ଦେଙ୍କ ଫଟୋ ସେୟାର କରିକି ପ୍ରେରଣାଦାୟକ ସଫଳତାର କାହାଣୀ କହିଥିଲେ … ଏକ ଅଟୋ ରିକ୍ସା ଚଳାଇବା ଠାରୁ ଆରମ୍ଭ କରି ଦେଶର ଅନ୍ୟତମ ଗୁରୁତ୍ୱପୂର୍ଣ୍ଣ ତଥା ଶକ୍ତିଶାଳୀ ବ୍ୟକ୍ତି ହେବା ପର୍ଯ୍ୟନ୍ତ … ଅଭିନନ୍ଦନ ସାର୍ । ଏହା ବ୍ୟତୀତ ଭିଡିଓ ପୁରୁଣା କଥା କହି ମନେ ପକାଇଛନ୍ତି । ୨୦୨୦ରେ କଙ୍ଗନା ଉଦ୍ଧବ ଠାକରେଙ୍କୁ ଅଭିଶାପ ଦେଇ କହିଥିଲେ, ଆଜି ମୋ ଘର ଭାଙ୍ଗିଛ, ଆସନ୍ତାକାଲି ତୁମର ଗର୍ବ ଭାଙ୍ଗିଯିବ। ଏହା ବ୍ୟତୀତ ସେ କହିଥିଲେ ଯେତେବେଳେ ପାପ ବଢିଯାଏ ସେତେବେଳେ ବିନାଶ ହୁଏ।
ଅନ୍ୟପକ୍ଷରେ ବିବେକ ଅଗ୍ନିହୋତ୍ରୀ ଟ୍ୱିଟ୍ କରି କହିଛନ୍ତି, ଅଭିନନ୍ଦନ ସାର୍ ଏକନାଥ ସିନ୍ଦେ। ଗତିଶୀଳ ଏବଂ ଶକ୍ତିଶାଳୀ ନେତୃତ୍ୱ ପାଇଁ ଦେବେନ୍ଦ୍ର ଫଡନାଭିସ୍ଙ୍କୁ ମଧ୍ୟ ଅଭିନନ୍ଦନ। ବର୍ତ୍ତମାନ ଅତ୍ୟନ୍ତ ଖୁସି କାହିଁକି ନା ଆମେ ବିନା ଭୟରେ ବଞ୍ଚି ପାରିବୁ । ଜୟ ମହାରାଷ୍ଟ୍ର…. । ମହାରାଷ୍ଟ୍ରରେ ରାଜନୈତିକ ଅସ୍ଥିରତା ମଧ୍ୟରେ ଉଦ୍ଧବ ଠାକରେଙ୍କୁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାକୁ ପଡିଲା। ଭାରତୀୟ ଜନତା ପାର୍ଟିକୁ ମହାରାଷ୍ଟ୍ରର ନୂତନ ଶାସକ ଦଳ ଏବଂ ଏକନାଥ ସିନ୍ଦେଙ୍କୁ ନୂତନ ମୁଖ୍ୟମନ୍ତ୍ରୀ ଭାବେ ଘୋଷଣା କରାଯାଇଛି।
