ବାରିପଦା ୨୬।୦୬: ସଂପର୍କରେ ଲାଗିଲା ରକ୍ତର ଛିଟା । କଟୁରୀରେ ବଡ଼ ଭାଇକୁ ହାଣିଲା ସାନଭାଇ। ମୟୂରଭଞ୍ଜ ବାରିପଦା ସଦର ଥାନା ମାଧପୁର ଗାଁରେ ଏହି ବୀଭତ୍ସ ହତ୍ୟାକାଣ୍ଡ ଘଟିଛି। ପାରିବାରିକ କଳହକୁ କେନ୍ଦ୍ର କରି ଏହି ହତ୍ୟାକାଣ୍ଡ ଘଟିଛି । ମୃତକ ହେଲେ ୪୫ବର୍ଷୀୟ ମେଘରାୟ ସରେନ।
ଖବର ଅନୁଯାୟୀ, ବଡ଼ ଭାଇ ମେଘରାୟ ପ୍ରତିଦିନ ନିଶା ଶକ୍ତ ଅବସ୍ଥାରେ ଘରକୁ ଆସି ପରିବାର ସଦସ୍ୟଙ୍କୁ ଗାଳି ଗୁଳଜ କରୁଥିଲେ। ଶନିବାର ମଧ୍ୟ ବଡଭାଇ ନିଶା ଶକ୍ତ ଅବସ୍ଥାରେ ଆସି ଘରେ ଶୋଇଥିବା ସାନ ଭାଇ ସହ କଳହ କରିଥିଲେ। ସାନଭାଇ ଲକ୍ଷ୍ମଣ ସରେନ କ୍ରୋଧର ବଶବର୍ତ୍ତୀ ହୋଇ କଟୁରୀ ସାହାଯ୍ୟର ବଡ଼ ଭାଇକୁ ହତ୍ୟା କରିଥିବା ଅଭିଯୋଗ ହୋଇଛି। ଅଭିଯୁକ୍ତ ସାନ ଭାଇ ଲକ୍ଷ୍ମଣ ସରେନକୁ ଘଟଣା ସ୍ଥଳରୁ ଗିରଫ କରିଛି ବାରିପଦା ସଦର ପୋଲିସ। ପୋଲିସ ଓ ବାରିପଦାର ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି । ବାରିପଦା ପୋଲିସ ମାମଲା ରୁଜ୍ଜୁ କରିବା ସହ ହତ୍ୟାରେ ବ୍ୟବହୃତ କଟୁରୀ ଜବତ କରିଛି ।
