ନୂଆଦିଲ୍ଲୀ ୨୫/୦୬: ଭାରତୀୟ ଓ୍ୱିକେଟ୍ କିପର ଋଷଭ ପନ୍ତ ନିକଟରେ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ଖରାପ ପ୍ରଦର୍ଶନ କରିଥିଲେ । ସେ ଟି୨୦ ସିରିଜରେ ମାତ୍ର ୫୮ ରନ୍ କରିଥିଲେ । ଏହାପରେ ତାଙ୍କୁ ଖୁବ୍ ସମାଲୋଚନା କରାଯାଉଥିଲା । କିନ୍ତୁ ଏବେ ଓ୍ନାର୍ମଅଫ୍ ମୁକାବିଲାରେ ସେ ଅର୍ଦ୍ଧଶତକ ଲଗାଇ ସମାଲୋଚକଙ୍କୁ ମୁହାଁତୋଡ ଜବାବ ଦେଇଛନ୍ତି ।
ରିପୋର୍ଟ ଅନୁସାରେ, ଇଂଲଣ୍ଡ ଗସ୍ତରେ ଭାରତୀୟ ଟିମ୍ ଏବେ ଓ୍ୱାର୍ମଅଫ୍ ମ୍ୟାଚ୍ ଖେଳୁଛି । ଏହି ମୁକାବିଲା ଇଂଲିଶ କ୍ଲବ୍ ଲିସେଷ୍ଟରଶାୟର୍ ବିପକ୍ଷରେ ଖେଳାଯାଉଛି । ମ୍ୟାଚରେ ସବୁ ଭାରତୀୟ ଖେଳାଳିଙ୍କୁ ସୁଯୋଗ ମିଳିଛି । ଏହାସହ ୪ ଭାରତୀୟ ଇଂଲିଶ କ୍ଲବ୍ ପାଇଁ ଖେଳୁଛନ୍ତି ।
ଛକା ଲଗାଇ ୫୦ ଲଗାଇଲେ ପନ୍ତ
ଇଂଲିଶ କ୍ଲବ୍ ପାଇଁ ଖେଳୁଥିବା ପନ୍ତ ଶୁକ୍ରବାର ଭାରତ ବିପକ୍ଷରେ ଅର୍ଦ୍ଧଶତକ ଲଗାଇଥିଲେ । ସେ ୮୭ ବଲରୁ ୭୬ ରନ୍ କରିଥିଲେ । ଏହି ଇନିଂସରେ ସେ ଗୋଟିଏ ଛକା ଓ ୧୪ ଚଉଲା ଲଗାଇଥିଲେ । ସେ ଉମେଶ ଯାଦବଙ୍କ ବଲରେ ସ୍କୁପ୍ ପିଲକ୍ସ ସଟ୍ ଖେଳି ନିଜର ହାଫ୍ ସେଞ୍ଚୁରୀ ପୁରା କରିଥିଲେ । ପନ୍ତଙ୍କ ଏହି ସଟ୍ ଦେଖି ଫ୍ୟାନ୍ସ ମଧ୍ୟ ଚକିତ ହୋଇଯାଇଥିଲେ ।ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଦ୍ୱିତୀୟ ପାଳିରେ ଭାରତୀୟ ଟିମ୍ ୮୨ ରନରେ ଆଗୁଆ
ରୋହିତ ଶର୍ମାଙ୍କ ନେତୃତ୍ୱାଧିନ ଭାରତ ପ୍ରଥମ ଇନିଂସରେ ୮ ଓ୍ୱିକେଟ୍ ହରାଇ ୨୪୬ ରନ୍ କରିଥିଲା । ଏହାପରେ ଇଂଲିଶ କ୍ଲବ୍ ୨୪୪ ରନରେ ହିଁ ଅଲଆଉଟ୍ ହୋଇଯାଇଥିଲା । ପ୍ରଥମ ପାଳିରେ ଦୁଇ ରନରେ ଆଗୁଆ ଥିବା ଭାରତ ଦ୍ୱିତୀୟ ପାଳିରେ 80 ରନରେ ଆଗୁଆ ରହିଛି । ହନୁମା ବିହାରୀ ଓ ଶ୍ରୀକର ଭରତ କ୍ରିଜରେ ଅପରାଜେୟ ଅଛନ୍ତି ।
