ଭଦ୍ରକ ୨୬/୦୫: ଅବକାରୀ ବିଭାଗ ଚଢ଼ାଉ, ଦୁଇ ଗିରଫ । ବିପୁଳ ପରିମାଣର ମଦ ଜବତ । ଭଦ୍ରକ ଅବକାରୀ ନିରୀକ୍ଷକ ଧନେଶ୍ୱର ବରାଡ଼ଙ୍କ ନେତୃତ୍ୱରେ ଧାମନଗର ଅବକାରୀ ଥାନା ଭାରପ୍ରାପ୍ତ ଅଧିକାରୀ ପ୍ରହଲ୍ଲାଦ ସାମଲ ଓ ଷ୍ଟାଫମାନଙ୍କୁ ନେଇ ଗଠିତ ଏକ ସ୍ୱତନ୍ତ୍ର ଟିମ ଚଢାଉ କରିଥିଲା ।
ଧୂଷୁରୀ ଥାନା ଅନ୍ତର୍ଗତ ଲୁଣିଆ, ସହିଦନଗର, କୋଠାର, ଅସୁରାଳୀ ବଜାର ଏବଂ ଧାମନଗର ଥାନା ଅନ୍ତର୍ଗତ ଗୁଣୁପୁର, ତାଳସିଠା ଓ ଚିଙ୍ଗୁଡ଼ିପୁର ଗ୍ରାମ ଅଞ୍ଚଳରେ ଚଢାଉ କରାଯାଇଥିଲା । ଚଢ଼ାଉ ବେଳେ ୪୫ ଲିଟର ବିଅର, ୧୩ ଲିଟର ବିଦେଶୀ ମଦ ଏବଂ ୩୦ ଲିଟର ଦେଶୀ ମଦ ଜବତ ହୋଇଛି ।
ଏଥିରେ ସମ୍ପୃକ୍ତ ମୋଟ ୨ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ଧୂଷୁରୀ ଥାନା ଅନ୍ତର୍ଗତ ହଂସପୁର ଗ୍ରାମର ରବୀନ୍ଦ୍ର ରାଉତ ଏବଂ ଧାମନଗର ଥାନା ଅନ୍ତର୍ଗତ ତାଳସିଠା ଗ୍ରାମର ହରିହର ମୁଣ୍ଡା ବୋଲି ଅବକାରୀ ବିଭାଗ ସୂଚନା ଦେଇଛି । ଧାମନଗର ଅବକାରୀ ଥାନା ପକ୍ଷରୁ ୨ ଗୋଟି ମାମଲା ରୁଜ୍ଜୁ କରାଯାଇଛି।
