ଭଞ୍ଜନଗର ୧୭/୦୫: ଭଞ୍ଜନଗର ଗାଙ୍ଗପୁର ଥାନା ବୁଡ଼ାକେନ୍ଦୁ ଜଙ୍ଗଲରୁ ଝୁଲନ୍ତା ଅବସ୍ଥାରେ ଦମକଳ ବାହିନୀ କର୍ମଚାରୀଙ୍କ ମୃତଦେହ ଉଦ୍ଧାର କରିଛି ଗାଙ୍ଗପୁର ଥାନା ପୋଲିସ । ମୃତକ ହେଲେ ଦୟାନିଧି ମହନ୍ତ ସେ ଆସିକା ଦମକଳ ବାହିନୀରେ ଡ୍ରାଇଭର ହାବିଲଦାର ରୂପେ କାର୍ଯ୍ୟରତ ଥିଲେ । ଗତ ରାତିରେ ସେ ମାନସିକ ଭାରାକ୍ରାନ୍ତ ହୋଇ ବିଭାଗ ର ଗାଡ଼ିନେଇ ଏହି ବୁଡ଼ାକେନ୍ଦୁ ଜଙ୍ଗଲକୁ ଆସି ଆତ୍ମ ହତ୍ୟା କରିଛନ୍ତି ।
ଘଟଣା ସ୍ଥଳରେ କିଛି ସୁଇସାଇଡ ନୋଟ୍ ମଧ୍ୟ ଛାଡି ଯାଇଛନ୍ତି । ସେ ମୃତ୍ୟୁ ପୂର୍ବରୁ ଏକ ହାତ ଲେଖା ଚିଠି ଲେଖି ତାଙ୍କର ସମସ୍ତ ଦୁଃଖ କଥା ଜଣାଇଛନ୍ତି । ଛୁଟି ନ ମିଳିବାରୁ ଏପରି ଘଟାଇ ଥିବା ଲେଖିଛନ୍ତି । ଦୟାନିଧିଙ୍କ ଘର କେନ୍ଦୁଝର ହୋଇଥିବାରୁ ସେ ତାଙ୍କ ସ୍ତ୍ରୀ ଏବଂ ପିଲାଙ୍କ ପାଖକୁ ଯାଇ ପାରୁନଥିଲେ । ଯାହା ଫଳରେ ତାଙ୍କ ତାଙ୍କ ପରିବାର ମଧ୍ୟରେ ସବୁବେଳ ଅଶାନ୍ତି ଲାଗି ରହୁଥିଲା ।
ଏହିପରି ଅନେକ ଅଶାନ୍ତିକୁ ସହ୍ୟ କରିନପାରି ଆତ୍ମ ହତ୍ୟା କରିଥିବା ଲେଖିଛନ୍ତି । ପ୍ରଧାନମନ୍ତ୍ରୀ ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ବହୁତ କିଛି ଲେଖି ତାଙ୍କ ଦୁଇଟି ସନ୍ତାନର ଦାୟିତ୍ୱ ଦେଇ ଆତ୍ମହତ୍ୟା କରିଛନ୍ତି । ଗାଙ୍ଗପୁର ପୋଲିସ ଘଟଣା ସ୍ଥଳ ରେ ପହଂଚି ମୃତଦେହକୁ ଜବତ କରି ତଦନ୍ତ କରୁଛି ।
