ନୟାଗଡ ୧୩/୦୫: ନୟାଗଡ ଜିଲ୍ଲା ଶରଣକୂଳ ଥାନା ପୋଲିସ ତିନି ଲୁଟେରା ଗ୍ୟାଙ୍ଗକୁ ଧରିବାରେ ସଫଳ ହୋଇଛି । ୩ ଲୁଟେରା ହେଲେ ଖଇରପଟି ଗାଁର ରମେଶ ବେହେରା , ଚାନ୍ଦପୁରର ସୋମନାଥ ସାହୁ ଏବଂ କଇଁଫୁଲିଆର ଅଶୋକ ସେନାପତି । ଏମାନଙ୍କ ନାମରେ ଜିଲ୍ଲା ତଥା ଜିଲ୍ଲା ବାହାରର ବିଭିନ୍ନ ଥାନାରେ ବହୁ ମାମଲା ରହିଛି ।
ଗତକାଲି ରମେଶଙ୍କ ଅର୍ଦ୍ଧନିର୍ମିତ ଘରେ ତିନିଜଣ ଲୁଟ୍ ଯୋଜନା କରୁଥିବା ସମୟରେ ଶରଣକୁଳ ପୋଲିସ ସେମାନଙ୍କୁ ଧରିବାକୁ ଯାଇଥିଲା । ସେହିସମୟରେ ଅପରାଧୀମାନେ ପୋଲିସ ଉପରକୁ ଗୁଳିଚଳାଇଥିଲେ । ତେବେ ଏଥିରେ କାହାର କ୍ଷତି ହୋଇନଥିବାବେଳେ ପୋଲିସ ସେମାନଙ୍କୁ ଧରିବାରେ ସଫଳ ହୋଇଥିଲା ।
ସେମାନଙ୍କ ନିକଟରୁ ପୋଲିସ ୫ଟି ବାଇକ୍ , ୫ଟି ମୋବାଇଲ୍ ଏବଂ ଗୋଟିଏ ପିସ୍ତଲ୍ ଜବତ କରିଛି । ବାଇକ୍ ଗୁଡିକ ଚୋରି ନି ନାହିଁ ସେ ସମ୍ପର୍କରେ ପୋଲିସ ଅଧିକ ତଦନ୍ତ ଚଳାଇଛି । ଅଧିକ ତଦନ୍ତ ପରେ ଗଣମାଧ୍ୟମକୁ ବିବରଣୀ ଦିଆଯିବ ବୋଲି ଥାନାଅଧିକାରୀ ସୂଚନା ଦେଇଛନ୍ତି ।
