ଭଦ୍ରକ ୧୦/୦୫: ଧାରଣାରେ ଶିକ୍ଷୟତ୍ରୀ । ଅଭିଯୋଗ ପରେ କାର୍ଯ୍ୟାନୁଷ୍ଠାନ ନେଉ ନାହିଁ ବିଭାଗ । ସୂଚନାଯୋଗ୍ୟ ଯେ ଭଦ୍ରକ ଜିଲ୍ଲା ବନ୍ତ ବ୍ଲକର ବ୍ଲକ ଶିକ୍ଷାଧିକାରୀ ଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ସମ୍ବଳ ଶିକ୍ଷୟତ୍ରୀ । ଅଭିଯୋଗ ଅନୁଯାୟୀ ଶିକ୍ଷୟତ୍ରୀ ଟୁନା ବାଳା ଦାଶ ବ୍ଲକ ଶିକ୍ଷାଧିକାରୀ ଅଧିର କୁମାର ତରାଇଙ୍କ ନାଁ ରେ ଜିଲ୍ଲା ଶିକ୍ଷାଧିକାରୀଙ୍କ ଠାରୁ ନେଇ ଜିଲ୍ଲାପାଳଙ୍କ ନିକଟରେ ଦୁର୍ବ୍ୟବହାର ସହ ଅନ୍ୟ କେତେକ ଅଭିଯୋଗ ଆଣିଥିଲେ ।
ଅଭିଯୋଗ ପରେ ତଦନ୍ତ ଆରମ୍ଭ ହୋଇଥିଲେ ମଧ୍ୟ ତଦନ୍ତ ରିପୋର୍ଟ ବିଷୟରେ ଶିକ୍ଷୟତ୍ରୀ ଙ୍କୁ କିଛି ଜଣା ଯାଉନାହିଁ କିମ୍ବା କୌଣସି କାର୍ଯ୍ୟାନୁଷ୍ଠାନ ନିଆଯାଉ ନାହିଁ । ଏନେଇ ଶିକ୍ଷୟତ୍ରୀ ଜଣକ ଉପରିସ୍ଥ ଅଧିକାରୀ ଙ୍କୁ ଜଣାଇବା ପରେ ମଧ୍ୟ ସୁଫଳ ନପାଇବାରୁ ଶେଷ ରେ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ।
ବରିଷ୍ଠ ଅଧିକାରୀ ବୋଲି ବ୍ଲକ ଶିକ୍ଷାଧିକାରୀଙ୍କ ଉପରେ କାର୍ଯ୍ୟନୁଷ୍ଠାନ ନିଆ ଯାଉନଥିବା କହିଛନ୍ତି ଶିକ୍ଷୟତ୍ରୀ । ତେବେ ନ୍ୟାୟ ନମିଳିଲେ ପୁଣି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବେ ଓ ନ୍ୟାୟ ନ ପାଇଲେ ଆତ୍ମାହୁତି ଦେବେ ବୋଲି କହିଛନ୍ତି । ଘଟଣା ନେଇ ବ୍ଲକ ଶିକ୍ଷାଧିକାରୀ କହିଛନ୍ତି ଯେ ତାଙ୍କ ନାଁ ରେ ଉଦ୍ଦେଶ୍ୟମୂଳକ ଭାବେ ଅଭିଯୋଗ କରାଯାଉଛି । ଘଟଣା ରେ ତାଙ୍କର ସମ୍ପୃକ୍ତି ନାହିଁ ।
