ପାଟଣା ୧୦।୦୫ : ଛିଡା ହୋଇଥିଲା ଟ୍ରକ, ପଛରୁ ପିଟିଲା ବାଇକ । ଦୁର୍ଘଟଣାରେ ବାଇକ ଆରୋହୀର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ମେଡିକାଲରେ ଭର୍ତ୍ତି କରାଯାଇଛି । ମୃତକ ତେନ୍ତଳା ଗାଁର ଭରତ ନାଏକଙ୍କ ପୁଅ ଶିରିଷ ନାଏକ ବୋଲି ଜଣାପଡିଛି । କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ୪୯ ନମ୍ବର ଜାତୀୟ ରାଜପଥ ନିହୁଆଁ ଛକ ନିକଟରେ ଘଟିଛି ଦୁର୍ଘଟଣା ।
ଖବର ଅନୁଯାୟୀ, ଶିରିଷ ନାଏକ ଗାଁର ଚାଲିଥିବା ସଂପର୍କୀୟ ଭାଇର ବାହାଘରରୁ ଆସି କୌଣସି କାମରେ ତୁରୁମୁଙ୍ଗା ବଜାରକୁ ଯାଇଥିଲା । ଘରକୁ ଫେରିବା ବାଟରେ ଘଟିଲା ଦୁର୍ଘଟଣା । ରାସ୍ତାରେ ଛିଡା ହୋଇଥିବା ଏକ ଟ୍ରକକୁ ଆସି ପଛ ପଟୁ ଧକ୍କା ଦେଇଥିଲା ବାଇକ । ଏହି ବାଇକ୍ରେ ଶିରିଷଙ୍କ ସହ ଯଶିପୁର ଥାନା ବସନ୍ତପୁରର ଚନ୍ଦନ ନାଏକ ବସିଥିଲେ । ତେବେ ଏହି ଦୁର୍ଘଟଣାରେ ଉଭୟଙ୍କ ଗୁରୁତର ହୋଇଥିଲେ । ସେଠାରୁ ସେମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ କେନ୍ଦୁଝର ମୁଖ୍ୟ ଚିକିତ୍ସାଳୟରୁ ସ୍ଥାନାନ୍ତରିତ କରାଯାଇଥିଲା । କିନ୍ତୁ ସେତେବେଳକୁ ଶିରିଷଙ୍କ ମୃତ୍ୟୁ ହୋଇଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
