ମୁମ୍ବାଇ,୧୨/୦୪: ଆଇପିଏଲରେ ମଙ୍ଗଳବାର ଦଇଟି ବଡ ଟିମ୍ ମୁହାଁମୁହିଁ ହେବେ । ଡିଓ୍ୱାଇ ପାଟିଲ ଷ୍ଟାଡିୟମରେ ସାମ୍ନାସାମ୍ନି ହେବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଚେନ୍ନାଇ ସୁପର କିଙ୍ଗସ । ଚେନ୍ନାଇ ଟୁର୍ଣ୍ଣାମେଣ୍ଟରେ ଏବେବି ନିଜର ପ୍ରଥମ ବିଜୟ ଲକ୍ଷ୍ୟରେ ରହିଛି ।
ଏହାମଧ୍ୟରେ ଚେନ୍ନାଇ ସୁପର କିଙ୍ଗସର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ବ୍ୟାଟିଂ ଅର୍ଡରକୁ ନେଇ ଚର୍ଚ୍ଚା ଜୋର୍ ଧରିଛି । ପ୍ରଥମ ମ୍ୟାଚରେ ଅର୍ଦ୍ଧଶତକ ଲଗାଇଥିବା ଧୋନୀ ଅନ୍ୟ ସବୁ ମ୍ୟାଚେର ବିଫଳ ହୋଇଛନ୍ତି । ଭାରତୀୟ ଦଳର ପୂର୍ବତନ କ୍ରିକେଟର ପାର୍ଥିବ ପଟେଲ ଏମଏସ ଧୋନୀଙ୍କ ପୋଜିସନ ଉପରେ ବଡ ଟ୍ୱିଟ୍ କରିଛନ୍ତି ।
ପାର୍ଥିବ ପଟେଲ କହିଛନ୍ତି ଯେ, ଧୋନୀ ଟେକନିକାଲି ଓପନିଂ ପାଇଁ ଅଧିକ ପ୍ରଭାବି ନହେଲେ ବି ସେ କଠିନ ପରିସ୍ଥିତିରେ ଦଳର ଓ୍ୱିକେଟ୍ ରକ୍ଷା କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥାନ୍ତି । ପରେ ସେ ରନ୍ ରେଟ୍ ବଢାଇପାରିବେ । ସିଏସକେ ଧୋନୀଙ୍କୁ ଓପନିଂ ପଠାଇବା ଦରକାର । ଏହାଠୁ ଭଲ ବିକଳ୍ପ ସିଏସକେ ପାଇଁ ଆଉ କିଛି ନହୋଇପାରେ ।
ତେବେ ଆଇପିଏଲ ଇତିହାସରେ ଧୋନୀ କେବେ ହେଲେ ଓପନିଂ କରିନାହାଁମ୍ତି । ଅନ୍ତର୍ଜାତୀୟ କ୍ୟାରିଅରରେ ମଧ୍ୟ ସେ ଖୁବ୍ ଥର ଓପନିଂ କରିଥିଲେ । ଦିନିକିଆରେ ସେ ଦୁଇଟି ମ୍ୟାଚରେ ଓପନିଂ କରିଛନ୍ତି । ଏହାମଧ୍ୟରୁ ଗୋଟିଏ ମ୍ୟାଚରେ ସେ ୯୬ ରନ୍ କରିଥିଲେ ।
ସୂଚନାଯୋଗ୍ୟ, ଆଇପିଏଲ ୨୦୨୨ରେ ଏବେସୁଦ୍ଧା ଧୋନୀ ୪ଟି ମ୍ୟାଚ୍ ଖେଳିଛନ୍ତି । ଏହି ୪ ମ୍ୟାଚରେ ସେ ଯଥାକ୍ରମେ ୫୦,୧୬,୨୩ ଓ ୩ ରନ୍ କରିଥିଲେ ।
