ନୂଆଦିଲ୍ଲୀ ୨୨/୦୩: ଆଉ କିଛି ଦିନ ପରେ ଆରମ୍ଭ ହେବ ଆଇପିଏଲ ୨୦୨୨ । ଆଇପିଏଲରେ ସମସ୍ତଙ୍କ ନଜର ଜସପ୍ରିତ ବୁମରାହଙ୍କ ଉପରେ ରହିବ । କାରଣ ସେ ବିଶ୍ୱର ଏକ ନମ୍ବର ବୋଲର । ଏବେ ସେ ନିଜକୁ ଦଳରେ ଏକ ଅଭିନ୍ନ ଅଙ୍ଗ ଭାବେ ପ୍ରମାଣିତ କରିଛନ୍ତି । ଏବେ ପଞ୍ଜାବ କିଙ୍ଗସ ବୁମରାହଙ୍କୁ ଟକ୍କର ଦେଲା ଭଳି ଜଣେ ବୋଲରଙ୍କୁ କିଣିଛି ।
ପଞ୍ଜାବ କିଙ୍ଗସର ବୋଲର ସନ୍ଦୀପ ଶର୍ମାଙ୍କ ଉପରେ ଏବେ ସମସ୍ତଙ୍କ ନଜର । ସେ ୨୦୧୩ରେ ଆଇପିଏଲରେ ପଦାର୍ପଣ କରିଥିଲେ । ତେବେ ସନ୍ଦୀପଙ୍କ ପ୍ରଦର୍ଶନ ସେତେ ଲାଇମଲାଇଟକୁ ଆସି ନାହିଁ । ବୁମରାହ ଡେଥ୍ ଓଭରରେ ଭଲ ବୋଲିଂ କରୁଥିବା ବେଳେ ସନ୍ଦୀପ ପାଓ୍ୱାର ପ୍ଲେରେ ଭଲ ବୋଲିଂ କରିଥାନ୍ତି । ଉଭୟଙ୍କ ରେକର୍ଡ ମଧ୍ୟ ପ୍ରାୟ ସମାନ ।
ଆଇପିଏଲରେ ବୁମରାହ ୧୦୬ ଓ ସନ୍ଦୀପ ୯୬ଟି ମ୍ୟାଚ୍ ଖେଳିଛନ୍ତି । ବୁମାରହ ୧୩୦ଟି ଓ୍ୱିକେଟ୍ ନେଇଥିବା ବେଳେ ସନ୍ଦୀପଙ୍କ ଖାତାରେ ଅଛି ୧୧୨ ଓ୍ୱିକେଟ୍ । ବୁମରାହଙ୍କ ଆଭରେଜ ୨୩.୦୪ ଥିବା ବେଳେ ସନ୍ଦୀପଙ୍କ ଆଭରେଜ ରହିଛି ୨୫.୪୩ ।
ସେହିପରି ସନ୍ଦୀପଙ୍କ ଷ୍ଟ୍ରାଇକ୍ ରେଟ୍ ୧୯.୬ ଥିବା ବେଳେ ବୁମରାହଙ୍କ ଆଭରେଜ୍ ରହିଛି ୧୮.୬ । ବୁମରାହଙ୍କ ଇକୋନୋମୀ ୭.୪୨ ଥିବା ବେଳେ ସନ୍ଦୀପଙ୍କ ରହିଛି ୭.୭୭ । ଉଭୟ ଖେଳାଳି ଦୁଇଥର ଲେଖାଏଁ ଚାରିରୁ ଅଧିକ ଓ୍ୱିକେଟ୍ ନେଇଛନ୍ତି । ଏସବୁ ରେକର୍ଡ଼ ଦେଖି କ୍ରିକେଟ ସମୀକ୍ଷକ ସନ୍ଦୀପଙ୍କୁ ବୁମରାହଙ୍କୁ ଟକ୍କର ଦେଇପାରୁଥିବା ବୋଲର କହୁଛନ୍ତି ।
