ନୂଆଦିଲ୍ଲୀ, ୨୫|୦୨: ଭାରତ ଓ ଶ୍ରୀଲଙ୍କା ମଧ୍ୟରେ ଖେଳାଯାଇଥିବା ପ୍ରଥମ ଟି୨୦ରେ ବିଜୟୀ ହୋଇଛି ଭାରତ । ପ୍ରଥମେ ବ୍ୟାଟିଂ କରି ୧୯୯ ରନ୍ କରିଥିଲା ଭାରତ । ଜବାବରେ ଶ୍ରୀଲଙ୍କା ବିଜୟ ଲକ୍ଷ୍ୟ ହାସଲ କରିବାରେ ବିଫଳ ହୋଇଥିଲା । ଭାରତୀୟ ବୋଲର ଶ୍ରୀଲଙ୍କା ବ୍ୟାଟରଙ୍କୁ ବାନ୍ଧି ରଖିଥିଲେ । ତେବେ ଟିମ୍ ଇଣ୍ଡିଆକୁ ଯେତେବେଳେ ତୃତୀୟ ସଫଳତା ମିଳିଥିଲା ସେତେବେଳେ ଅମ୍ପାୟାରଙ୍କୁ ନିଷ୍ପତ୍ତି ବଦଳାଇବାକୁ ପଡିଥିଲା ।
ରିପୋର୍ଟ ଅନୁସାରେ, ଶ୍ରୀଲଙ୍କା ବ୍ୟାଟର ଅମ୍ପାୟାରଙ୍କ ନିଷ୍ପତ୍ତି ବିରୋଧରେ ରିଭ୍ୟୁ ନେଇଥିଲେ । ଯାହା ସେମାନଙ୍କ ସପକ୍ଷରେ ଯାଇଥିଲା । ଏହାପରେ ଅଧିନାୟକ ରୋହିତ ଶର୍ମା ଓ କୋଚ୍ ରାହୁଲ ଦ୍ରାବିଡଙ୍କ ରିଆକ୍ସନ ଏବେ ଭାଇରାଲ ହୋଇଛି । ଏହା ସେତେବେଳେ ହୋଇଥିଲା ଯେତେବେଳେ ୟୁଜବେନ୍ଦ୍ର ଚହଲ ଅସାଲଙ୍କାକୁ ଆଉଟ୍ କରିଥିଲେ ।
ସୂଚନାନୁସାରେ, ଚହଲଙ୍କ ଏକ ବଲ୍ ଅସାଲଙ୍କାଙ୍କ ପ୍ୟାଡରେ ବାଜିଥିଲା । ଫିଲ୍ଡର ଅପିଲ କଲା ପରେ ଅମ୍ପାୟାର ଆଉଟ୍ ଦେଇଥିଲେ । କିନ୍ତୁ ଅସାଲଙ୍କା ରିଭ୍ୟୁ ନେଇଥିଲେ । ଯାହା ତାଙ୍କ ପକ୍ଷରେ ଯାଇଥିଲା । ଏହା ଦେଖି ରୋହିତ, କତୋଚ୍ ଦ୍ରାବିଡ ଓ ଅନ୍ୟ ପିଲ୍ଡର ଚକିତ ହୋଇଯାଇଥିଲା । ରାହୁଲ ନିଜ ହାତରେ ମୁହଁ ଲୁଚାଇଦେଇଥିବା ମଧ୍ୟ ଦେଖିବାକୁ ମିଳିଥିଲା ।
ସେହିପରି ରୋହିତ ଶର୍ମା ମଧ୍ୟ ହସୁଥିବା ଦେଖିବାକୁ ମିଳିଥିଲା । ଡ୍ରେସିଂ ରୁମର ଅନ୍ୟ ସଦସ୍ୟ ମଧ୍ୟ ହସିବାକୁ ଲାଗିଥିଲେ ।
