ମୁମ୍ବାଇ ୨୧।୦୨ : ହିନ୍ଦୀ ସିନେମାର ଜଣାଶୁଣା ଅଭିନେତ୍ରୀ ଅରୁଣା ଇରାନୀ । ୮୦ ଓ ୯୦ ଦଶକର ଅଭିନେତ୍ରୀ ଅରୁଣା ନିଜ ଅଭିନୟରେ ଲକ୍ଷ ଲକ୍ଷ ଦର୍ଶକଙ୍କ ହୃଦୟରେ ରାଜ୍ କରୁଥିଲେ । ୧୯୯୦ରେ ଅରୁଣା ଫିଲ୍ମ ନିର୍ଦ୍ଦେଶକ କୁକୁ କୋହଲିଙ୍କୁ ବିବାହ କରିଥିଲେ। ବିବାହର ୩୨ ବର୍ଷ ପରେ ଅରୁଣା ତାଙ୍କ ବ୍ୟକ୍ତିଗତ ଜୀବନକୁ ନେଇ ଖୁଲାସା କରିଛନ୍ତି । ଯାହା ବିଷୟରେ ଆଜି ଯାଏଁ କାହାରିକୁ କୌଣସି ଧାରଣା ନଥିଲା ।
ଅରୁଣା ତାଙ୍କ ସ୍ୱାମୀ କୁକୁଙ୍କ ବିଷୟରେ ସାକ୍ଷାତକାରରେ କହିଛନ୍ତି ‘ଆମେ ଦୁହେଁ ଏକ ଫିଲ୍ମର ସୁଟିଂ ସମୟରେ ଦେଖା ହୋଇଥିଲୁ ଏବଂ ଏକାଠି କାମ ମଧ୍ୟ କରିଥିଲୁ । ସେଟ୍ରେ ଦୁହେଁ ଖୁବ୍ ଝଗଡା ହେଉଥିଲା । କାହିଁକି ନା ତାଙ୍କୁ ଫିଲ୍ମର ସୁଟିଂ ପାଇଁ ବହୁତ ଅପେକ୍ଷା କରିବାକୁ ପଡୁଥିଲା। ସେଥିପାଇଁ ତାଙ୍କୁ ବହୁତ ବିରକ୍ତ ହେଉଥିଲା। ଏବଂ ବହୁତ ରାଗି ଯାଉଥିଲେ। ଯାହା ପରେ କୁକୁ ତାଙ୍କୁ ମନାଇବା ପାଇଁ ଆସୁଥିଲେ । କିନ୍ତୁ ପରେ ଝଗଡା ପ୍ରେମରେ ବଦଳି ଯାଇଥିଲା।
ଏହାକୁ ନେଇ କହିଥିଲେ କି ଯେତେବେଳେ କୁକୁ ତାଙ୍କୁ ପ୍ରଥମେ ଦେଖା କରିଥିଲେ, କହି ନଥିଲେ କି ସେ ବିବାହିତ ବୋଲି । ସେଥିପାଇଁ ସେ ତାଙ୍କ ପ୍ରେମରେ ପଡି ଯାଇଥିଲେ । କିନ୍ତୁ ପରେ ସତ ଜାଣିବାକୁ ପାଇଥିଲେ । ସେ ବିବାହିତ ତାଙ୍କ ଗୋଟେ ଝିଅ ମଧ୍ୟ ଅଛି । ଯାହାକୁ ଆଜି ଯାଏଁ ଏବିଷୟରେ କହିନଥିଲେ । କିନ୍ତୁ ଏବେ କହିଛନ୍ତି କାହିଁକି ନା ତାଙ୍କ ପ୍ରଥମ ପତ୍ନୀଙ୍କର କିଛି ମାସ ପୂର୍ବରୁ ଦେହାନ୍ତ ହୋଇଯାଇଛି । ନିର୍ଦ୍ଦେଶକ କୁକୁ ଅରୁଣାଙ୍କୁ ବିବାହ କରିବା ସତ୍ତ୍ବେ ପ୍ରଥମ ପତ୍ନୀଙ୍କୁ ଛାଡପତ୍ର ନଦେଇ ତାଙ୍କ ସହ ଭଲରେ ରହିବାକୁ କହିଥିଲେ। ଦୁହେଁ ଏହା ମଧ୍ୟ ସ୍ଥିର କରିଥିଲେ କି ତାଙ୍କର କୌଣସି ସନ୍ତାନ ହେବ ନାହିଁ।
