୨ ବର୍ଷ ହେବ ଦେଶ କରୋନା ବିରୋଧରେ ଲଢେଇ ଜାରି ରଖିଛି । ଏହି କ୍ରମରେ କରୋନା ବିରୋଧୀ ଲଢେଇରେ ଟିକା ସାଜିଛି ମୁଖ୍ୟ ଅସ୍ତ୍ର, ତେଣୁ ସରକାର ଦେଶରେ ଟିକାକରଣ ଅଭିଯାନକୁ ଗୁରୁତ୍ୱ ଦେଇଛନ୍ତି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡାଭିଆ କହିଛନ୍ତି ଦେଶର ୭୫ ପ୍ରତିଶତ ବୟସ୍କ ଲୋକଙ୍କୁ କରୋନା ଟିକା ଦିଆ ସରିଛି ।
ସ୍ୱାସ୍ଥ୍ୟମନ୍ତ୍ରୀଙ୍କ ଦ୍ୱାରା ଦିଆଯାଇଥିବା ସୂଚନା ଆଧାରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଖୁସି ବ୍ୟକ୍ତ କିରବା ସହ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି କି ଦେଶରେ ୭୫ ପ୍ରତିଶତ ବୟସ୍କ ଲୋକଙ୍କୁ ଟିକାର ଉଭୟ ଖୋରାକ ଦିଆଯାଇଛି ।
ସ୍ୱାସ୍ଥ୍ୟ ମନ୍ତ୍ରଣାଳୟ ତରଫରୁ ଜାରି କରାଯାଇଥିବା ସୂଚନା ମୁତାବକ ଦେଶରେ ଏପର୍ଯ୍ୟନ୍ତ ମୋଟ ୧,୬୫,୭୦,୬୦,୬୯୨ ଡୋଜ ଟିକା ଦିଆଯାଇଛି । ଏନେଇ ଖୁସିବ୍ୟକ୍ତ କରିବା ସହ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି କି ସରକାର ସବକା ସାଥ୍, ସବକା ବିକାଶ ଓ ସବକା ପ୍ରୟାସ ଫଳରେ ଦେଶବାସୀଙ୍କୁ ଏତେ ପରିମାଣର ଟିକା ଦେବାକୁ ସକ୍ଷମ ହୋଇଛି କେନ୍ଦ୍ର ସରକାର ।
ଅନ୍ୟପଟେ କହିରଖୁ କି, ଦେଶରେ ଗତ ୨୪ ଘଂଟା ମଧ୍ୟରେ ୨,୩୪,୨୮୧ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ଗତ ୨୪ ଘଂଟାରେ କରୋନା ସଂକ୍ରମଣରେ ୮୯୩ ଜଣଙ୍କର ମୃତ୍ୟୁ ହୋଇଛି । ଏହାକୁ ମିଶାଇ ଦେଶରେ କରୋନା ସଂକ୍ରମିତ ଆକ୍ଟିଭ ମାମଲା ୧୮,୮୪,୯୩୭ ରେ ପହଂଚିଛି ।
