ଭୁବନେଶ୍ୱର: ଏମ୍ସ ଭୁବନେଶ୍ୱରରେ ଘାରିଛି କରୋନା ଭୟ । କରୋନାର ଭୟାବହତାକୁ ଦୃଷ୍ଟିରେ ରଖି ଭୁବନେଶ୍ୱର ଏମ୍ସ କର୍ତ୍ତୃପକ୍ଷ ଓପିଡି ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । କିଛି କର୍ମଚାରୀ ଏବଂ ଛାତ୍ରଛାତ୍ରୀ କୋଭିଡ୍ ପଜିଟିଭ୍ ହେବା ପରେ ଓପିଡି ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ଏମ୍ସ କର୍ତ୍ତୃପକ୍ଷ । ଆସନ୍ତା ସୋମବାର ଠାରୁ ଏହି ନୂଆ ନିୟମ କାର୍ଯ୍ୟକାରୀ ହେବ । କେବଳ ଅନଲାଇନରେ ଓପିଡି ପଞ୍ଜୀକରଣ କରିଥିବା ରୋଗୀଙ୍କୁ ଓପିଡିରେ ଚିକିତ୍ସା ପ୍ରଦାନ କରାଯିବ । ଏମ୍ସ ଭୁବନେଶ୍ୱରର ସ୍ୱାସ୍ଥ୍ୟ ଆପ୍ ଜରିଆରେ ଓପିଡି ପଞ୍ଜୀକରଣ କରିହେବ ବୋଲି ଜଣାପଡିଛି । ତେବେ ଡାୟାଲିସିସ, କ୍ୟାନ୍ସର, ପଲମୋନାର. ଆଇପିଡି ଏବଂ କରୋନା ଟିକାକରଣ ପୂର୍ବବତ ଜାରି ରହିବ ।
ସେହିପରି ଟେଲି ମେଡିସିନ ବ୍ୟବସ୍ଥା ଆରମ୍ଭ କରିବାକୁ ଯାଉଛି ଏମ୍ସ । ଏହି ସେବା ଜରିଆରେ କଲ କରି ମେଡିସିନ୍ ସଂକ୍ରାନ୍ତରେ ବୁଝି ହେବ । ଅନ୍ୟ ଦିନ ମାନଙ୍କରେ ୯-୫ ଏହି ସେବା ମିଳିବ ମାତ୍ର ଶନିବାର ଦିନ ୯ଟାରୁ ୧ଟା ପର୍ଯ୍ୟନ୍ତ ଏହି ସେବା ଉପଲବ୍ଧ ହେବ । ସେହିପରି ସ୍ୱାସ୍ଥ୍ୟ ଆପ୍ ଜରିଆରେ ଦିନ ୮.୩୦ରୁ ପଞ୍ଜୀକରଣ କରିହେବ । ସୋମବାରରୁ ଶୁକ୍ରବାର ଅପରାହ୍ନ ୫ଟା ଯାଏଁ ପଞ୍ଜୀକରଣ ହେଉଥିବା ବେଳେ ଶନିବାର ଦିନ ଦିନ ଗୋଟାଏ ପର୍ଯ୍ୟନ୍ତ ପଞ୍ଜୀକରଣ କରାଯିବ
