ଜଳେଶ୍ବର ୯।୧: ବାଲେଶ୍ବର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ସୁଙ୍ଗମୁହଁ ଗ୍ରାମରୁ ଅଜଣା ଅସହାୟ ମହିଳା ସହିତ ବର୍ଷକର ଶିଶୁ ପୁତ୍ରକୁ ଉଦ୍ଧାର କଲା ବାଲିଆପାଳ ଚାଇଲ୍ଡ ଲାଇନ ।
ସୂଚନାଯୋଗ୍ୟ ଯେ, ବାଲେଶ୍ବର ଜିଲ୍ଲା ବାଲିଆପାଳ ଥାନା ଅଧୀନସ୍ଥ ବାଲିଆପାଳ, ସିମୁଳିଆ ମାର୍କେଟ, ଦେଉଳା, ସୁଙ୍ଗମୁହଁ ଅଞ୍ଚଳରେ ଏକ ଅସହାୟ ମହିଳା କୁନି ପୁଅକୁ ଧରି ଅତି ଦୟନୀୟ ଅବସ୍ଥାରେ ଏଣେ ତେଣେ ଘୁରି ବୁଲୁଥିଲେ । ଥଣ୍ଡା କାକରରେ ପିଲାଟି ଗୁରୁତର ହୋଇପଡିଥିଲା । ଏହା ଦେଖି ସ୍ଥାନୀୟ ଲୋକମାନେ ଚାଇଲ୍ଡ ଲାଇନକୁ ଖବର ଦେଇଥିଲେ ।
ଖବର ପାଇ ଚାଇଲ୍ଡ ଲାଇନ ଜିଲ୍ଲା ଚାଇଲ୍ଡ ଲାଇନର ମୁଖ୍ୟ ପ୍ରଶାନ୍ତ ରାଉତ ଏବଂ ତାଙ୍କ ସହଯୋଗୀ ଅସହାୟ ମା’ ସହିତ ବର୍ଷକର ଶିଶୁ ପୁତ୍ରକୁ ଉଦ୍ଧାର କରି ୱାନଷ୍ଟପ ସେଣ୍ଟରରେ ଥଇଥାନ କରାଇଛନ୍ତି । ତେବେ ଶିଶୁ ପୁତ୍ରର ପରିଚୟ ଜଣାପଡିଥିବା ବେଳେ, ମହିଳା ଜଣଙ୍କର କୌଣସି ପରିଚୟ ମିଳିପାରିନାହିଁ । ତାଙ୍କ କାର୍ଯ୍ୟକଳାପରୁ ସେ ଜଣେ ମାନସିକ ଭିନ୍ନକ୍ଷମ ବୋଲି ସାଧାରଣରେ ଚର୍ଚ୍ଚା ହେଉଛି ।
