ଝାଡ଼ଖଣ୍ଡ ୦୬/୦୧: ଆଜିକାଲି ଝାଡଖଣ୍ଡର ଗିରିଡିହ ଜିଲ୍ଲାରେ ଧର୍ମ ପରିବର୍ତ୍ତନର ଖେଳ ଖୋଲାଖୋଲି ଭାବେ ଚାଲିଛି। ଜିଲ୍ଲାର ଦେଓରି ବ୍ଲକ ଏବଂ ବେଙ୍ଗାବାଦର ବ୍ଲକରେ ଲୋକଙ୍କୁ ପ୍ରଲୋଭନ ଦେଖାଇ ଜୋର ଜବରଦସ୍ତ ଧର୍ମ ପରିବର୍ତ୍ତନ କରାଯାଉଛି। ଏହିପରି ବେଙ୍ଗାବାଦ ବ୍ଲକର ହର୍ଲା ଗ୍ରାମରୁ ଏକ ସମାନ ଘଟଣା ସାମ୍ନାକୁ ଆସିଛି। ଯେଉଁଠାରେ ଆଶା ଦେବୀ ନାମକ ଜଣେ ମହିଳା ହିନ୍ଦୁ ଧର୍ମ ଛାଡି ଖ୍ରୀଷ୍ଟିଆନ ଧର୍ମ ଗ୍ରହଣ କରିଛନ୍ତି ଏବଂ ଲୋକମାନଙ୍କୁ ନାନା ପ୍ରଲୋଭନ ଦେଖାଇ ଧର୍ମ ପରିବର୍ତ୍ତନ କରାଇବାକୁ ଚେଷ୍ଟା କରୁଛନ୍ତି। ଆଶା ଦେବୀ ବର୍ତ୍ତମାନ ଗୁଜୁରାଟର ସୁରଟରେ ଅଛନ୍ତି ଏବଂ ସେ ଖ୍ରୀଷ୍ଟିଆନ ଧର୍ମ ବିସ୍ତାର କରୁଛନ୍ତି।
ସେ ଏପର୍ଯ୍ୟନ୍ତ ଅନେକ ଲୋକଙ୍କୁ ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ମନାଇ ସାରିଛନ୍ତି। ଆଶା ଦେବୀଙ୍କ ଜ୍ୱାଇଁ ଦଶରଥ କୁମାର ତାଙ୍କ ଉପରେ ହିନ୍ଦୁ ଧର୍ମ ଛାଡି ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ଚାପ ପକାଉଥିବାର ଅଭିଯୋଗ କରିଛନ୍ତି। ଦଶରଥ କହିଛନ୍ତି ଆଶା ଖ୍ରୀଷ୍ଟିଆନ ଧର୍ମକୁ ଆସିବା ପାଇଁ ମୋ ଉପରେ ଚାପ ପକାଉଛନ୍ତି ଏବଂ, ଏହି ଧର୍ମରେ କୌଣସି ପ୍ରକାରର ଅସୁବିଧା ହେବ ନାହିଁ ବୋଲି କହୁଛନ୍ତି।
ତୁମେ ଧନୀ ହୋଇଯିବ, ତୁମେ କଦାପି ଅସୁସ୍ଥ ହେବ ନାହିଁ, ଆଶା ଦେବୀ ଏପରି ଦାବି କରି ତାଙ୍କ ଜ୍ୱାଇଁଙ୍କ ଉପରେ ଚାପ ପକାଉଛନ୍ତି। କିନ୍ତୁ ଦଶରଥ ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ମନା କରିଦେଇଛନ୍ତି। ଏହି ପ୍ରସଙ୍ଗରେ ଜ୍ୱାଇଁ ଏବଂ ଶାଶୁଙ୍କ ମଧ୍ୟରେ ଯୁକ୍ତି ମଧ୍ୟ ହୋଇଛି। ଏପରିକି ଦଶରଥ ଶାଶୁଙ୍କ ସହିତ କୌଣସି ପ୍ରକାରର ସମ୍ପର୍କ ରଖିବାକୁ ମନା କରିଦେଇଛନ୍ତି। ଏହି ପ୍ରସଙ୍ଗରେ ଆଶା ଦେବୀଙ୍କ ଶାଶୁ ଲଲିଆ ଦେବୀ କହିଛନ୍ତି, ଆମର ବୋହୂ ଆଶା ଦେବୀ ଖ୍ରୀଷ୍ଟିଆନ ଧର୍ମ ଅନୁସରଣ କରୁଛନ୍ତି। ଆମେ ମନା କରିବା ସତ୍ତ୍ୱେ ସେ ଖ୍ରୀଷ୍ଟିଆନ ଧର୍ମ ଗ୍ରହଣ କରିଛନ୍ତି।
ତେବେ ଆଶା କହିଛନ୍ତି, ଖ୍ରୀଷ୍ଟିଆନ ଧର୍ମ ଗ୍ରହଣ କରିବା ପରେ ତାଙ୍କୁ ଅନେକ ସୁଖ ସୁବିଧା ମିଳିଛି। ସେ ପାଦ ରୋଗରୁ ମୁକ୍ତି ପାଇଛନ୍ତି, ଯେଉଁଥିପାଇଁ ସେ ଖ୍ରୀଷ୍ଟିଆନ ଧର୍ମ ଛାଡିବାକୁ ଚାହୁଁନାହାଁନ୍ତି। ଆଶା ଖ୍ରୀଷ୍ଟିଆନ ଧର୍ମ ଗ୍ରହଣ କରିବା ପୂର୍ବରୁ ଭଗବାନ ଶିବଙ୍କୁ ପୂଜା କରୁଥିଲେ, କିନ୍ତୁ ବର୍ତ୍ତମାନ ସେ ଭଗବାନଙ୍କୁ ଉପାସନା କରିବା ବନ୍ଦ କରି ଦେଇଛନ୍ତି।
