ମୁମ୍ବାଇ: କୋଭିଡ୍ ମହାମାରୀ କାରଣରୁ ୨୦୨୧ରେ ଅଧିକ ସମୟ ଲୋକଙ୍କୁ ଘରେ ରହିବାକୁ ପଡ଼ିଲା । ତେଣୁ ଏହି ସମୟରେ ଓଟିଟି ପ୍ଲାଟଫର୍ମକୁ ଲୋକେ ଅଧିକ ପସନ୍ଦ କରିଥିଲେ । ଯାହାର ଧାରା ଜାରି ରହିଛି । ସିନେମା ହଲ୍ ଖୋଲିଥିଲେ ସୁଦ୍ଧା ଲୋକେ ଓଟିଟି ରେ ୱେବସିରିଜ୍ ଦେଖିବାକୁ ଅଧିକ ପସନ୍ଦ କରୁଛନ୍ତି । ଓଟିଟିର ଚାହିଦା ବଢ଼ିବା ପରଠାରୁ ବଡ଼ ବଡ଼ ସୁପରଷ୍ଟାର୍ ମାନେ ଡିଜିଟାଲ ଡେବ୍ୟୁ ଆରମ୍ଭ କରିଛନ୍ତି । ଚଳିତ ବର୍ଷ ଓଟିଟିରେ ଅନେକ ବଡ଼ ବଡ଼ ହିଟ୍ ୱେବସିରିଜ୍ ଆସିଥିଲା । ଫ୍ୟାମିଲି ମ୍ୟାନ୍ ୨, ଅସୁର୍ ସିଜନ୍ ୨ ଇତ୍ୟାଦି ଭରପୁର ମନୋରଞ୍ଜନ କରିଥିଲେ । ତେବେ ୨୦୨୨ ରେ ଏହିସବୁ ହିଟ୍ ୱେବସିରିଜ୍ ର ସିକ୍ୱେଲ ଆସିବାକୁ ଯାଉଛି । ତେବେ ଚାଲନ୍ତୁ ଜାଣିବା ୨୦୨୨ରେ କେଉଁ କେଉଁ ୱେବସିରିଜ୍ ଆସିବାକୁ ଯାଉଛି ।
ନୂଆ ବର୍ଷରେ ମନୋରଞ୍ଜନ କରିବାକୁ ପାତାଲ ଲୋକ, ଦିଲ୍ଲୀ କ୍ରାଇମ୍, ପଞ୍ଜାୟତ୍ , ଅସୁର୍ , ଫ୍ୟାମିଲି ମ୍ୟାନ୍ ୩, ମିର୍ଜାପୁର, ମୁମ୍ବାଇ ଡାଇରିଜ୍, ମେଡ ଇନ୍ ହେବେନ୍, କୋଡ ଏମ୍, ଆର୍ଯ୍ୟ ୨ ଭଳି ୱେବସିରିଜ୍ ର ଆଗାମୀ ସିଜନ୍ ଆସିପାରେ । ତେଣୁ ୨୦୨୧ ଭଳି ୨୦୨୨ ମଧ୍ୟ ଖୁବ୍ ରୋମାଞ୍ଚକର ରହିବ । ଏଥିମଧ୍ୟରୁ ପାତାଲ ଲୋକ ପ୍ରଥମେ ୨୦୨୦ରେ ରିଲିଜ୍ ହୋଇଥିଲା । ସେହିପରି ଦିଲ୍ଲୀ କ୍ରାଇମ୍ ୨୦୧୯ରେ ଓଟିଟିରେ ରିଲିଜ୍ ହୋଇଥିଲା । ୨୦୨୨ରେ ଫ୍ୟାମିଳି ମ୍ୟାନ୍ ୩ ଆସିପାରେ ।
