ଜୋହାନ୍ସବର୍ଗ ୧୩/୧୨: କୋଭିଡ-19, ନୂଆ ଭାରିଆଣ୍ଟ ଓମିକ୍ରନର ପାଇଁ ସାରା ବିଶ୍ୱରେ ହାହାକାର ପରିସ୍ଥିତି । ଅତିକମରେ ୫୯ ଟି ଦେଶରେ ଏହି ଭାରିଆଣ୍ଟର ମାମଲା ରିପୋର୍ଟ କରାଯାଇଛି । ଏହାରି ଭିତରେ ଦକ୍ଷିଣ ଆଫ୍ରିକାର ରାଷ୍ଟ୍ରପତି ସିରିଲ ରାମାଫୋସା ରବିବାର ଦିନ କରୋନା ସଂକ୍ରମିତ ହୋଇଥିବା ଜଣାପଡିଛି । ତାଙ୍କଠାରେ କରୋନାର ସାମାନ୍ୟ ଲକ୍ଷଣ ଥିଲା । ଏବେ ସେ ସଂଗରୋଧରେ ରହି ନିଜର ଚିକିତ୍ସା କରୁଛନ୍ତି ।
ରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ଏକ ବିବୃତ୍ତିରେ ଏହି ସୂଚନା ଦିଆଯାଇଛି । ବିବୃତ୍ତିରେ କୁହାଯାଇଛି ଯେ ରାମାଫୋସଙ୍କ ଟିକାକରଣ ସରିଛି । ଡାକ୍ତରମାନେ ନିରନ୍ତର ନଜର ରଖିଛନ୍ତି । ଗତ ମାସରେ, ଓମିକ୍ରନ୍ ଭାରିଆଣ୍ଟ ପ୍ରଥମେ ଦକ୍ଷିଣ ଆଫ୍ରିକାରେ ଚିହ୍ନଟ ହୋଇଥିଲା । ପରେ ଧୀରେ ଧୀରେ ଏହା ସାରା ବିଶ୍ୱକୁ ବ୍ୟାପିଲାଣି । ତେବେ ଭୟ ରହୁଛି ଯେ, ଏହା ଖୁବଶୀଘ୍ର ଅନ୍ୟ ପ୍ରକାର ଭାରିଆଣ୍ଟ ଅପେକ୍ଷା ଶୀଘ୍ର ବିସ୍ତାର କରୁଛି ।
ସେପଟେ ରାମାଫୋସା କେପଟାଉନରେ ରାଷ୍ଟ୍ରପତି ସଂଗରେଧରେ ରହିବା ପରେ ତାଙ୍କ ସ୍ଥାନରେ ତାଙ୍କର ସମସ୍ତ ଦାୟିତ୍ୱ ତୁଲାଇବେ ଉପରାଷ୍ଟ୍ରପତି ଡେଭିଡ୍ ମାବୁଜା । ଏହି ବିବୃତ୍ତିରେ କୁହାଯାଇଛି ଯେ ନିକଟରେ ପଶ୍ଚିମ ଆଫ୍ରିକାର ଚାରୋଟି ରାଜ୍ୟ ଗସ୍ତରେ ରାଷ୍ଟ୍ରପତି ଏବଂ ସମଗ୍ର ଦକ୍ଷିଣ ଆଫ୍ରିକୀୟ ପ୍ରତିନିଧି ଦଳ COVID-19 ପାଇଁ ପରୀକ୍ଷା କରାଯାଇଥିଲା । ଡିସେମ୍ବର ୮ ରେ ଜୋହାନ୍ସବର୍ଗକୁ ଫେରିବା ପରେ ତାଙ୍କ ରିପୋର୍ଟ ମଧ୍ୟ ପଜିଟିଭ ହୋଇଥିଲା ।
