ନୂଆଦିଲ୍ଲୀ ୦୩/୧୨: ଭାରତୀୟ ଅଲରାଉଣ୍ଡର ସୁରେଶ ରାଇନା ତାଙ୍କ ଜୀବନୀରେ ଅନେକ ଆଶ୍ଚର୍ଯ୍ୟଜନକ ଘଟଣା ନେଇ ଖୁଲାସା କରିଛନ୍ତି । ସେ ସ୍ପଷ୍ଟ ଭାବରେ ଲେଖିଛନ୍ତି ଯେ ଲକ୍ଷ୍ନୌର ସ୍ପୋର୍ଟସ ହଷ୍ଟେଲରେ ତାଙ୍କ ସହ କ୍ରୁରତାର ସୀମା ପାର ହୋଇଯାଇଥିଲା । ରାଗିଂ ନାଁରେ ତାଙ୍କୁ ଦୁର୍ବ୍ୟବହାର କରାଯିବା ସହ ମାଡ଼ ମଧ୍ୟ ମରାଯାଇଥିଲା । ତାଙ୍କୁ ଅନେକ ଥର ହକି ଷ୍ଟିକରେ ମଧ୍ୟ ମାଡ ଦିଆଯାଇଥିଲା ।
ରାଇନା ତାଙ୍କ ଜୀବନୀରେ ଲେଖିଛନ୍ତି ଯେ ଏସବୁ ଘଟଣା ମୋ ସହ କେତେବେଳେ ଘଟିଥିଲା, ଯେତେବେଳେ ମୋତେ ୧୧-୧୨ ବର୍ଷ ହୋଇଥିଲା । ସିନିୟରମାନେ ସେମାନଙ୍କୁ ପ୍ରତିଦିନ ଚା ’ଦେବା ମୋର ଦାୟିତ୍ୱରେ ମୋତେ ନିୟୋଜିତ ରଖିଥିଲେ । ଏଥିପାଇଁ ତାଙ୍କୁ ପ୍ରତିଦିନ ସକାଳ ୪.୩୦ରେ ଉଠିବାକୁ ପଡୁଥୁଲା । ବେଳେବେଳେ ଏମିତି ପରିସ୍ଥିତି ହେଉଥିଲା, ପାହାଚ ଚଢିବା ଏବଂ ତଳକୁ ଓହ୍ଲାଇବା କଷ୍ଟକର ଥିଲା ।
ସୁରେଶ ରାଇନା ଲେଖିଛନ୍ତି – ସିନିୟରମାନେ ଏପରି ପିଲାମାନଙ୍କୁ ବିଶେଷ ଟାର୍ଗେଟ୍ ତିଆରି କରୁଥିଲେ । ଯେଉଁମାନେ ଅଧ୍ୟୟନ ଏବଂ କ୍ରୀଡ଼ାରେ ତୀକ୍ଷ୍ଣ ଥିଲେ । ସେ ଜୁନିଅର ଖେଳାଳିଙ୍କୁ ସେମାନଙ୍କର ବ୍ୟକ୍ତିଗତ କାର୍ଯ୍ୟ କରିବା ପାଇଁ ବ୍ୟବହାର କରୁଥିଲେ । ରାଗିଂର ବିଭିନ୍ନ ପଦ୍ଧତି ବ୍ୟବହାର କରାଯଏ । ବେଳେବେଳେ ସେ ମୁର୍ଗା ବନାଇଦେଉଥିଲେ । ଆହୁରି ମଧ୍ୟ ବେଳେବେଳେ ତାଙ୍କ ମୁହଁରେ ଅଳିଆ ପାଣି ପକାଉଥିଲେ ।
ରାଇନା ଲେଖିଛନ୍ତି ଯେ ସିନିୟରମାନଙ୍କ ଆଚରଣରେ ମୁଁ ବହୁତ ରାଗିଯାଇଥିଲି । ସିନିୟରମାନେ ଆମ କୋଠରୀରେ ସେମାନଙ୍କ ପୋଷାକ ଧୋଇବା ପାଇଁ ପକାଇଦେଉଥିଲେ । ଆଉ କହୁଥିଲେ ସେଗୁଡିକ କରିବା ଆମର କର୍ତ୍ତବ୍ୟ । ଥରେ ସେ ଶୀତଦିନେ ସକାଳ ରାତି ପ୍ରାୟ ୩.୩୦ ହେବ ମୋ ଉପରେ ଥଣ୍ଡା ପାଣି ଢଳାଯାଇଥିଲା । ଏତିକି ନୁହେଁ ସେମାନେ ମୋତେ ରାତି ଅଧରେ ଲନ୍ କାଟିବାକୁ ମଧ୍ୟ କହିଥିଲେ ।
ରାଇନା ଲେଖିଛନ୍ତି – ଥରେ ସେ ଆଗ୍ରା ଟୁର୍ନାମେଣ୍ଟରେ ଭାଗ ନେବାକୁ ଯାଉଥିଲେ । ସିଟ୍ ନ ମିଳିବାରୁ ସେ କବାଟ ପାଖରେ ବସିଥିଲେ । ଏହି ସମୟରେ, ଯେତେବେଳେ ଲାଇଟ୍ ବନ୍ଦ ହେଲା । ସେତେବେଳେ ସିନିୟରମାନେ ଚପଲ ଏବଂ ଜୋତା ଫିଙ୍ଗିବା ଆରମ୍ଭ କରିଥିଲେ । ଏତିକି ନୁହେଁ ଜଣେ ମୋଟା ପିଲା ମୋ ଉପରେ ବସି ପରିସ୍ରା କରିବାକୁ ଲାଗିଥିଲେ ।
ମୁଁ ରାଗିଗଲି ଏବଂ ମୁଁ ତାଙ୍କୁ ଭିତରକୁ ଠେଲିଦେଇଥିଲି । ସେ ପଡିଯିବାରୁ ମୁଁ ରକ୍ଷା ପାଇଯାଇଥିଲି । ସେତେବେଳେ ମୁଁ ପ୍ରଥମ ଥର ପାଇଁ ହିଂସାକୁ ବିରୋଧ କରିଥିଲି । ଘଟଣାରେ ହଷ୍ଟେଲ ତଦନ୍ତ ମଧ୍ୟ ଆରମ୍ବ ହୋଇଥିଲା । ସୁରେଶ ଲେଖିଛନ୍ତି – ମୋ ସହ କ୍ରୁରତାର ସବୁ ସୀମା ପାର୍ ହୋଇସାରିଥିଲା । ଅନେକ ସିନିୟର ମୋ ଜୀବନକୁ ନର୍କରେ ପରିଣତ କରିଛନ୍ତି ।
କିନ୍ତୁ ଆଜି ସେହି ଲୋକେ ମୋତେ ଭେଟିବା ପରେ ଖୁସିରେ ଅଛନ୍ତି । ସେ କଥାବାର୍ତ୍ତା କରନ୍ତି । ତା’ପରେ ମୁଁ ଆଶ୍ଚର୍ଯ୍ୟ ହୁଏ ଯେ, ଏମାନେ ସେହିପିଲା ଯେଉଁମାନେ ମୋତେ ନିର୍ଯାତନା ଦେଇଥିଲେ । ତଥାପି ମୁଁ ସେହି ସବୁ ସମୟକୁ ଭୁଲିଯିବାକୁ ଚାହୁଁଛି, କାରଣ ସେସବୁର ଆଉ କିଛି ମୂଲ୍ୟ ନାହିଁ । ରାଇନା ଲେଖିଛନ୍ତି ଯେ ରାଗିଂ ବନ୍ଦି ହେବା ଆବଶ୍ୟକ । ଏହା ବିରୋଧରେ ସ୍ୱର ଉତ୍ତୋଳନ କରିବାକୁ ଚେଷ୍ଟାକର ।