ମୁମ୍ବାଇ ୨୯/୧୧: ବଲିଉଡ ଡ୍ରାମା କ୍ୱିନ୍ ରାକ୍ଷୀ ସାୱନ୍ତଙ୍କ ସ୍ୱାମୀ ଦୁନିଆ ସାମ୍ନାକୁ ଆସିଛନ୍ତି। ବିଗ୍ ବସ୍ ଘରେ ୱାଇଲ୍ଡ କାର୍ଡ ଏଣ୍ଟ୍ରିରେ ଆସିଥିବା ରାକ୍ଷୀ ସାୱନ୍ତଙ୍କ ସ୍ୱାମୀ ରିତେଶ ତାଙ୍କର ଝଲକ ଦେଖାଇଛନ୍ତି। ସେ ଘରେ ପ୍ରବେଶ କରିବା ମାତ୍ରେ ପ୍ରଥମେ ତାଙ୍କ ଲଭ୍ ଷ୍ଟୋରୀକୁ ଦୁନିଆକୁ ଜଣାଇଛନ୍ତି। ଏଥି ସହିତ ୱିକେଣ୍ଡ ୱାର ଏପିସୋଡରେ ରିତେଶ ରାକ୍ଷୀଙ୍କୁ ବିବାହ କରିବା ପରେ ଦୁନିଆ ଆଗରେ ନ ଆସିବାର ଦୁଃଖ ମଧ୍ୟ ପ୍ରକାଶ କରିଛନ୍ତି।
ଏହି ୱିକେଣ୍ଡରେ ରିତେଶଙ୍କୁ ଦେଖି ସଲମାନ ପଚାରିଛନ୍ତି ତୁମେ ଏପର୍ଯ୍ୟନ୍ତ କେଉଁଠାରେ ଥିଲ? ଏହା ପରେ ସେ ରାକ୍ଷୀଙ୍କୁ ପଚାରିଛନ୍ତି ସେ ପ୍ରକୃତରେ ତୁମର ସ୍ୱାମୀ ନା ତୁମେ ତାଙ୍କୁ ହାୟର କରି ଆଣିଛ ? ଏହା ଉପରେ ରାକ୍ଷୀ କହିଛନ୍ତି ସେ ମୋର ଏକମାତ୍ର ସ୍ୱାମୀ। ପରେ ସଲମାନ ରିତେଶଙ୍କୁ ପଚାରିଛନ୍ତି ତୁମେ ରିତେଶ କ’ଣ କରୁଛ? ଏହାର ପ୍ରତିକ୍ରିୟାରେ ରିତେଶ କହିଛନ୍ତି, ‘ମୁଁ ଜଣେ ସଫ୍ଟୱେର୍ ପ୍ରଫେସନାଲ୍। ମୁଁ ବିହାରର ଏବଂ ବର୍ତ୍ତମାନ ବେଲଜିୟମରେ ରହୁଛି। ମୁଁ ଆପଣଙ୍କ ମାଧ୍ୟମରେ ଲୋକଙ୍କୁ କହିବାକୁ ଚାହେଁ ଯେ ରାକ୍ଷୀ କେବେ ମିଛ କୁହନ୍ତି ନାହିଁ। ସେ ଯାହା କହିଛନ୍ତି ତାହା ୧୦୦% ସତ୍ୟ। ଆପଣ କହିପାରିବେ ଯେ ଏହା ମୋର ମୂର୍ଖତା ଥିଲା ଯେ ମୁଁ ରାକ୍ଷୀଙ୍କୁ ଗ୍ରହଣ କରିନଥିଲି।’
ରିତେଶ ଆହୁରି କହିଛନ୍ତି, ‘ମୋର ବ୍ୟବସାୟ ଏବଂ ମୋର କାମ ହେତୁ ମୁଁ ଆଗକୁ ଆସିପାରିଲି ନାହିଁ। ମୁଁ ରାକ୍ଷୀଙ୍କୁ କହିଥିଲି ଆମ ବିବାହକୁ ପ୍ରକାଶ କର ନାହିଁ। ମୁଁ ତାଙ୍କୁ କହିଥିଲି ଯେ ତୁମେ ମୋର ଫଟୋ ଭାଇରାଲ କର ନାହିଁ । ସେ ମୋର କଥା ମାନିଲେ ଏବଂ ତାହା କଲେ। ଲୋକମାନେ ଏହାକୁ ପରିହାସ କରି ଏହାକୁ ମିଥ୍ୟା ବୋଲି କହିଲେ । ଗତ ସିଜିନରେ ରାକ୍ଷୀ କାନ୍ଦିବା ପରେ ମୋତେ ବହୁତ ଖରାପ ଲାଗିଲା। ତା’ପରେ ମୁଁ ଅନୁଭବ କଲି ଯେ ଯଦି ମୋତେ ବିଗ୍ ବସ୍ ରେ ଡକାଯାଏ ତେବେ ମୁଁ ନିଶ୍ଚିତ ଯିବି । ମୁଁ ସମସ୍ତଙ୍କ ସାମ୍ନାରେ କହିବି ଯେ ରାକ୍ଷୀ ମୋର ପତ୍ନ
ରିତେଶ କହିଛନ୍ତି, ମୁଁ ରାକ୍ଷୀଙ୍କ ମୂଲ୍ୟକୁ ବହୁତ ବିଳମ୍ବରେ ବୁଝିଛି ଏବଂ ଏହା ମୋର ଦୁର୍ବଳତା। ମୁଁ ସମଗ୍ର ବିଶ୍ୱରେ ଭ୍ରମଣ କରି ବିଭିନ୍ନ ଲୋକଙ୍କୁ ଭେଟିଛି। ମୁଁ କହିପାରିବି ରାକ୍ଷୀ ଏକ ମୂଲ୍ୟବାନ ରତ୍ନ। ସେ ଯାହା କୁହନ୍ତି ଅତି ସଚ୍ଚୋଟ ଭାବରେ କୁହନ୍ତି।